“ഒന്ന് പോ ചേച്ചി.. പിന്നെ.. പാട്ട്.. ഞാൻ ഒരു മൂളിപ്പാട്ട് പോലും പാടാറില്ല.. അല്ലെങ്കിലും എൻ്റെ ഈ ശബ്ദത്തിന് പാട്ട് ചേരും എന്ന് തോന്നുന്നുണ്ടോ..?”
“പിന്നെ എന്ത് ചെയ്യും…”
“അങ്ങനെ പ്ലാൻ ഒന്നും വേണ്ട.. ഇത് പോലെ എന്തെങ്കിലും അവസരം വരുമ്പോ നമുക്ക് അതിൽ പിടിച്ച് കയറാം…”
“ഹും.. ശരി.. അകത്തേക്ക് വാ…”
ഞാനും നീതു ചേച്ചിയും അകത്ത് സോഫയിൽ സംസാരിച്ച് കൊണ്ടിരിക്കുമ്പോൾ ആണ് അതിഥി താഴേക്ക് ഇറങ്ങി വന്നത്..
എപ്പോഴും കാണുന്നത് പോലെ നല്ല രീതിയിൽ വസ്ത്രങ്ങൾ എല്ലാം ധരിച്ച് വെൽ ഗെറ്റപ്പിൽ ആയിരുന്നു അവള്…
അവളെ കണ്ടതും ഞാൻ എഴുന്നേറ്റ് വിഷ് ചെയ്തു…
“ഗുഡ് മോണിംഗ് അതിഥി…”
“ഗുഡ് മോണിംഗ് വിനോദ്.. ഇന്നലെ എനിക്ക് താങ്ക്സ് പറയാൻ പറ്റിയില്ല..”
“എന്തിന്..??”
“എന്നെ ആ പേപ്പർ മോഡലുകൾ ഉണ്ടാക്കാൻ പഠിപ്പിച്ചതിന്…”
“ഹൊ.. അതോ.. അതൊക്കെ ചെറിയ കാര്യം അല്ലേ..”
“പക്ഷേ എനിക്കത് നന്നായി ഇഷ്ടപ്പെട്ടു…”
“ഓകെ…”
അവള് നീതു ചേച്ചിക്ക് നേരെ തിരിഞ്ഞു കൊണ്ട് പറഞ്ഞു…
“ആൻ്റി ഞാൻ ഒന്ന് ലൈബ്രറി വരെ പോകുന്നു…”
“ശരി മോളെ..”
പെട്ടന്നാണ് എനിക്ക് ഒരു ഐഡിയ തോന്നിയത്…