പരമുവും ഭൂതവും 2

Paramuvum Bhoothavum Part 2 | Author : Jon snow

[ Previous Part ]

 

കഴിഞ്ഞ ഭാഗങ്ങൾക്ക് പ്രോത്സാഹനം തന്ന എല്ലാവർക്കും നന്ദി. ഈ ഭാഗം മുതൽ ഇച്ചിരി കോമഡി കേറ്റി നോക്കുന്നുണ്ട്. ഏറ്റില്ലെങ്കിൽ ക്ഷമിച്ചേക്കണേ.

കൃത്യ സമയത്ത് എഴുതി തീർന്നില്ല. പിന്നെ എല്ലാവരും പെട്ടെന്ന് ഇടാൻ പറഞ്ഞത് കൊണ്ട് ഈ ഭാഗം ഒരു തട്ടിക്കൂട്ടാണ്. എനിക്ക് ഇപ്പൊ തിരക്കാണ്. അതുകൊണ്ട് അടുത്ത ഭാഗം ഡിസംബർ 15 നു ഒക്കെയേ റെഡി ആവു. എല്ലാവരും ക്ഷമിക്കുക

***
****
***

ഞാൻ : ” ആാാ…. ആാാ… ആാാരാ ”

പുക : ” വോവ് മലയാളം……..ഞാൻ ഭൂതം ”

ഞാൻ : ” ആാാ…. ആര്? ”

പുക : ” ഞാൻ ഭൂതമാണ് യജമാന ”

ഞാൻ : ” ഭൂ…. ഭൂ….. ഭൂതോ? ”

പുക : ” അതെ ഭൂതം ”

എനിക്ക് വിശ്വാസം വന്നില്ല. ഞാൻ സ്വയം പിച്ചി നോക്കി…. ഇനി സ്വപനമാണോ. കണ്ണൊക്കെ തിരുമ്മി ഞാൻ.

ഭൂതം : ” പിച്ചി നോക്കണ്ട യജമാനാ….. ഇത് സ്വപ്നം ഒന്നുമല്ല. ഞാൻ ഭൂതമാണെന്നേ ”

ശെടാ…… എനിക്ക് ഒന്നും അങ്ങോട്ട്‌ മനസിലാകുന്നില്ല. ഭൂതമോ……. ഇതൊക്കെ കഥകളിൽ പറഞ്ഞു കേട്ടിട്ടുണ്ട് എന്നല്ലാതെ…

ഞാൻ : ” ശ്ശെ അങ്ങനെ വരാൻ വഴി ഇല്ലല്ലോ ”

ഭൂതം : ” ങേ….. അമ്മച്ചിയാണേ ഞാൻ ഭൂതമാണ് യജമാനൻ….. സത്യം. വിശ്വസിക്കണം പ്ലീസ്….. ”

ഇനി വല്ല മാജിക്ക്കാരനോ മന്ത്രവാദിയോ ആണോ..

ഞാൻ : ” എന്താണ് തെളിവ് ”

ഭൂതം : ” അങ്ങനെ ചോദിച്ചാൽ……. ഞങ്ങൾ ഭൂതങ്ങൾക്ക് ആധാർ കാർഡ്, വോട്ടർ ഐഡി കാർഡ് ഒന്നുമില്ല….. പിന്നെ വേണോങ്കിൽ എന്റെ കഴിവ് തെളിയിച്ചു തരാം ”

ഞാൻ : ” എന്തുവാ ഇയാളുടെ കഴിവ് ”

ഭൂതം : ” എന്തും പറ്റും…. ഏത് രൂപവും സ്വീകരിക്കാൻ പറ്റും. വേണോങ്കിൽ അദൃശ്യൻ ആകാൻ പറ്റും. ഏത് ഭാഷയും സംസാരിക്കും. 100 ആനയുടെ ശക്തി ഉണ്ട്. ഏത് ഭിത്തിയും കടന്ന് ഉള്ളിൽ പോകാൻ പറ്റും. കാറ്റിനേക്കാൾ വേഗതയിൽ പറക്കാൻ പറ്റും. അങ്ങനെ കൊറേ ഒണ്ട്. ബഹുഹുഹുഹഹഹ……. ”

ഞാൻ : ” എന്ത് പറ്റി ”

ഭൂതം : ” അത് ഞാൻ ചിരിച്ചതാ ”

ഞാൻ : “ഹ്മ്മ്മ്……. താൻ ആദ്യം ഈ പുക രൂപം ഒന്ന് മാറ്റ് ”

ഭൂതം : ” ഏത് രൂപം ആണ് യജമാനന് ഇഷ്ടം ”

ഞാൻ : ” ആദ്യം ഈ യജമാനൻ വിളി ഒന്ന് നിർത്ത്. ”

ഭൂതം : ” വേറെ എന്ത്‌ വിളിക്കും. രക്ഷിച്ചവരെ യജമാനൻ എന്ന് വിളിക്കണം എന്ന് ഭൂതഭരണഘടന നിയമം ഉണ്ട്. ”