Posted by അഭിയും, കിച്ചുവും മാത്രമായി അവിടെ.
” നീ ചോറുണ്ണാൻ പോണില്ലേ…? ”
അഭി സംശയത്തോടെ ചോദിച്ചു.
” ഇല്ല… ചോറുണ്ണാൻ വീട്ടിൽ ചെന്നാ പിന്നെ അമ്മ എന്നെ തിരികെ ഇവിടേക്ക് വിടത്തില്ല. വീട്ടിൽ പിടിച്ചിടും. ”
” എന്നാ പിന്നെ നിനക്ക് അവന്മാരുടെ കൂടെ പൊക്കൂടെ..? ചോറുണ്ണാൻ വീട്ടിലേക്ക് വരുന്നൊന്ന് എന്നോട് ചോദിക്കുമ്പോൾ നിന്റെ വായില് എന്താ പഴം പുഴുങ്ങി വച്ചേക്കുവായിരുന്നോ…? ”
അഭി കുറച്ച് ഖനത്തിൽ ചോദിച്ചു.
” വെറുതെ അവരെ ബുദ്ധിമുട്ടിക്കണ്ടാന്ന് വിചാരിച്ചു. ”
കിച്ചു പറഞ്ഞു.
” ഹം.. നിന്റെ കൈയിൽ കാശുണ്ടോ…? ”
” ആഹ് ഒരു 20 രൂപയുണ്ട്.. ”
” എന്നാൽ വാ നമ്മുക്ക് ബേക്കറിൽ പോയി എന്തേലും കഴിക്കാം… ”
അഭി പറഞ്ഞു.
കിച്ചുവും അത് സമ്മതിച്ചു.
ഇരുവരും കൂടെ അടുത്തുള്ള ബേക്കറിയിലേക്ക് ചെന്നു.
14 രൂപയുടെ രണ്ട് പഫ്‌സ്സും, ലൈം ജ്യൂസും കുടിച് വിശപ്പടക്കി.
ശേഷം ഇരുവരും ടുർണമെന്റ് നടക്കുന്ന ഗ്രൗണ്ടിലേക്ക് നടന്നു.
” എന്നാലും എന്റെ കിച്ചു ഫസ്റ്റ് കളി തന്നെ നീ എന്ത് മാതിരി ത്തയപ്പിക്കലാ തയപ്പിച്ചത്…? 6 ഓവർ മാച്ചിൽ, രണ്ട് ഓവർ ത്തയപ്പിച്ചാലുള്ള അവസ്ഥ നിനക്ക് അറിയാലോ…? എന്തോ ഭാഗ്യത്തിനാ ആ കളി നമ്മള് ജയിച്ചത്…
നാട്ടിൽ നിന്ന് കളിക്കുമ്പോ നീ വെടികെട്ട് ബാറ്റിംഗ് ആണല്ലോ…? പിന്നെ ഇവിടെ വന്നപ്പോൾ എന്ത് പറ്റി…? ”
അഭി ചോദിച്ചു.
” അത് ആ ബാറ്റ് എനിക്ക് ശെരിയാവാഞ്ഞിട്ടാഡാ… എന്തൊരു വെയിറ്റ് ആ അതിന്…
നമ്മള് കളിക്കാൻ എടുക്കുന്ന ബാറ്റിന് ഇത്ര കനം ഇല്ലല്ലോ…”
കിച്ചു പറഞ്ഞു.
” ഓ… അപ്പൊ അത് കൊണ്ടാണല്ലേ നിനക്ക് കളിക്കാൻ കഴിയാതിരുന്നത്…? ”
” അതെ… ”
” എന്നാ നീ വീട്ടിൽ പോയി നമ്മുടെ ബാറ്റ് എടുത്തുകൊണ്ടു വാ.. ”
” അത് നടക്കില്ല… നിന്നോട് ഞാൻ നേരത്തെ പറഞ്ഞതല്ലേ.. വീട്ടിൽ പോയാൽ അമ്മ തിരികെ ഇവിടേക്ക് വിടില്ലായെന്ന്… ”
” ഇനിയിപ്പോ എന്താ ചെയ്യാ…? ”
” നിനക്ക് പൊയിക്കൂടേ…? ”
” ഞാനോ…? ”
” ആഹ്… ബാറ്റ് വീടിന്റെ പുറത്ത് തന്നെയാ ഞാൻ വച്ചത്. നീ ചെന്ന് എടുത്താൽ മതി. അഥവാ അമ്മ നിന്നെ കണ്ടാൽ തന്നെ വലിയ കുഴപ്പമില്ല. എന്നെപ്പറ്റി ചോദിച്ചാൽ ക്ലാസ്സ്‌ന് പോയിന്ന് പറഞ്ഞാൽ മതി… ”