🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന]

”ആന്റി പ്ലീസ്.”

”. മുള്ളാൻ മുട്ടുന്നെടാ.. ”

എന്റെ മുടിയിൽ ഒന്ന് തഴുകി അവർ ബാത്ത് റൂമിലേക്ക് പോയപ്പോൾ എന്തിനാണ് ലീനയുടെ കാര്യം പറയുമ്പോൾ ആന്റി ഒഴിഞ്ഞു മാറുന്നതെന്ന ചിന്തയായിരുന്നു എന്റെയുള്ളിൽ.. ഇനി അവൾക്ക് എന്നെ ഇഷ്ട്ടമല്ല എന്നുണ്ടോ?, പക്ഷെ എല്ലാമറിഞ്ഞിട്ടും അവൾ കട്ടയ്ക്ക് കൂടെ നിന്നതാണല്ലോ,,? എന്തായാലും അവളുടെ കാര്യത്തിൽ എന്തോ ഒരു ദുരൂഹതയുണ്ട്, ഈ തിരക്കിൽ അവളെ അങ്ങോട്ട്‌ വിളിച്ചില്ല എന്നത് നേര്, എങ്കിലും തിരിച്ചിങ്ങോട്ടു വിളിക്കാമല്ലോ, എനിക്കിതു പോലെ പ്രശ്നങ്ങൾ ഉണ്ടെന്നറിയാം, എന്നിട്ടും വിളിച്ചു ഒരാശ്വാസവാക്കു പോലും പറയാതെ, കാര്യങ്ങൾ എന്തായി എന്ന് തിരക്കാതെ, ചിലപ്പോൾ ചിന്തിച്ചു നോക്കിയപ്പോൾ എന്നെ പോലെ അമ്മയെയും പെങ്ങളെയും മനസ്സിലിട്ടു നടക്കുന്നവനെ വേണ്ടെന്നു വച്ചിട്ടുണ്ടാകും, അല്ലെങ്കിൽ തന്നെ ഏതു പെൺകുട്ടിക്കാണ് ഇതൊക്കെ അംഗീകരിക്കാൻ കഴിയുക..?

”എന്താണ് വല്യ ആലോചനയാണല്ലോ, എന്താടാ പ്രശ്നം വല്ലതുമുണ്ടോ,, ”

ബാത്ത് റൂമിൽ നിന്നിറങ്ങി വന്ന ആന്റി എന്റെയരികിലിരുന്നു,,

”ഒന്നൂല്ല…. ”

”അത് വെറുതെ, ഞാൻ ശ്രദ്ധിക്കാറുണ്ട്, കഴിഞ്ഞ കുറച്ചു ദിവസങ്ങളായി നിനക്ക് എന്തൊക്കെയോ ഒളിച്ചു കളികളുണ്ട്, ആരോടും പറയാതെയുള്ള കറക്കം, ആലോചന.. എന്താ പൈസയുടെ ആവശ്യം വല്ലതുമാണോ? ”

”എയ് അതൊന്നുമല്ല,”

” എന്നോട് ചോദിക്കാൻ മടിയൊന്നും വേണ്ട , രേവതി അറിയാനും പോകുന്നില്ല പോരെ,”

” അപ്പൊ അടുത്ത കൂട്ടുകാരി അറിയാത്ത രഹസ്യങ്ങളും ഉണ്ട് അല്ലെ? ”

”അതിൽ കേറി പിടിച്ചോ? എന്നാൽ പറയാം ഈ നിമിഷം വരെ നിന്റമ്മ അറിയാത്ത ഒരു രഹസ്യവും എനിക്കില്ല ,”

” അത് കുറച്ചു കൂടി പോയി.. ”

”എന്താ? ”

” അല്ല ഈ നിമിഷം വരെയെന്നുള്ളത്,?”

” നമ്മളിപ്പോൾ ഒരുമിച്ചിരിക്കുന്നതാണോ? അതും അവൾക്കറിയാം , ”

”ങേ…”

”വായടക്കെടാ.. വല്ല പ്രാണിയും അകത്തു പോകും , ”

”ആന്റി പറയുന്നത് സത്യമാണോ, ഞാനിങ്ങോട്ടു വന്നത് അമ്മയ്ക്കെങ്ങനെയറിയാം ? ”’