🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന]

”ഇക്കാലത്തു അമ്മയും മോനുമാണെങ്കിലും ഇത് പോലൊരു സാഹചര്യത്തിൽ ഒരുമിച്ചു നിൽക്കുന്നത് കണ്ടാൽ ആളുകൾ തെറ്റായെ ധരിക്കു ..”

”ആ അതെന്തെങ്കിലുമാകട്ടെ ,ഇപ്പൊ നീ വന്നേ ,,,”

ഞാൻ കൈനീട്ടിയപ്പോൾ ചേച്ചി കാറിൽ നിന്നിറങ്ങി ,,റിമോട്ടിൽ ലോക്ക് ചെയ്തു മൊബൈൽ ടോർച്ചിന്റെ വെളിച്ചത്തിൽ താഴേക്കിറങ്ങുമ്പോൾ പടികളിൽ വീഴാതിരിക്കാൻ അവളെന്നെ ചേർത്ത് പിടിച്ചു …

”അർജുൻ ,അതാ അവിടെ ആരോ നിൽക്കുന്നു …ദേ ….”

ചേച്ചിയാകെ ഭയന്ന് പോയിരുന്നു ,,മങ്ങിയ ഇരുളിൽ ഞങ്ങളെ നോക്കി നിൽക്കുന്ന രൂപങ്ങളെ കണ്ടവൾ എന്റെ പിറകിലേക്ക് മാറി നിന്നു ..

”ചേച്ചിപ്പെണ്ണേ പേടിക്കേണ്ട ,അത് നമ്മുടെ ആളുകളാ ….”

”എന്താ അർജുൻ ,ചേച്ചി പേടിച്ചു പോയോ ..”

വാസുകി ചിരിച്ചു കൊണ്ട് അടുത്തേക്ക് വന്നു ,,ഒന്നും മനസ്സിലാകാതെ പകച്ചു എന്നെയും വാസുകിയെയും മാറി മാറി നോക്കുന്ന ചേച്ചിയെ ചേർത്ത് പിടിച്ചു മുന്നിലേക്ക് നിർത്തി …

”മോനെ ,,ആരാ ഇവർ …..”

”നമുക്ക് വേണ്ടപ്പെട്ടവരാണ് ,കഥയൊക്കെ പിന്നെയൊരിക്കൽ ഞാൻ പറഞ്ഞു തരാം ,ഇപ്പൊ ചേച്ചി ഒന്നും പറയാനോ ചോദിക്കാനോ നിൽക്കാതെ എന്റെ കൂടെ നിന്നാൽ മതി ..”

”അർജുൻ ..മോനെ ..”

”ചേച്ചിക്ക് എന്നെ വിശ്വാസമില്ലേ ..”

”ഉം ..എന്നാൽ ഞാൻ പറയുന്നത് അനുസരിക്കുക …എന്താ ..”

അവൾ പതുക്കെ തലയാട്ടി ,എങ്കിലും എന്താണ് സംഭവിക്കുന്നതെന്നറിയാത്തതിന്റെ അമ്പരപ്പ് മുഖത്ത് അത് പോലെ തന്നെയുണ്ട് ..

”വാ …”

വാസുകി നടന്നു തുടങ്ങിയിരുന്നു , ചേച്ചിപ്പെണ്ണിനെ ചേർത്ത് പിടിച്ചു ഞാനവരെ പിന്തുടർന്നു ..വൈത്തിയെ ഇട്ടിരിക്കുന്ന ചെറിയ ഫാം ഹൗസിനു മുന്നിൽ ബാലേട്ടനും നാലഞ്ച് പയ്യന്മാരും സംസാരിച്ചു നിൽക്കുന്നുണ്ടായിരുന്നു ,ചേച്ചി കൂടെയുള്ളത് കൊണ്ടാകും ബാലേട്ടൻ ഒന്നു ചിരിച്ചു അവരെയും കൊണ്ട് കുറച്ചപ്പുറത്തേക്ക് മാറി ..

”അമ്മേ …..”

വാസുകി അകത്തു കയറി ലൈറ്റ് ഇട്ടതോടെ ചേച്ചിയിൽ നിന്നൊരു നിലവിളി ഉയർന്നു ,, മുറിയുടെ മൂലയിൽ

ചാരിയിരിക്കുന്ന വൈത്തിയെ കണ്ടു അവൾ ആലില പോലെ വിറച്ചു എന്റെ പിന്നിലൊളിച്ചു …