🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന]

”അത് വേണോ ?”

”ഇതിനെ നമ്മടെ തലയിൽ നിന്നൊഴിവാക്കേണ്ടേ മാഡം .”

”എങ്കിൽ ശരി ,അർജുൻ മുന്നിൽ പൊയ്ക്കൊള്ളൂ .,ഞാൻ ഇവളെയും കൊണ്ട് എത്തിക്കൊള്ളാം ..”

”അത് വേണ്ട ,എന്നോട് കൊണ്ട് ചെല്ലാനാണ് പറഞ്ഞിരിക്കുന്നത് ..”

”അർജുൻ സൂക്ഷിക്കണം , അങ്ങനെ പറഞ്ഞിട്ടുണ്ടെങ്കിൽ അതിലെന്തെങ്കിലും ചതിയുണ്ടാകാൻ സാധ്യതയുണ്ട് ..”

”സാരമില്ല ,നമുക്കിപ്പോൾ കുറച്ചു റിസ്‌ക്കെടുത്തല്ലേ പറ്റു , ആകാശ് നീയൊരു അമ്പതു മീറ്റർ അകലത്തിൽ എന്നെ പിന്തുടരുക ,എന്തെങ്കിലും കെണിയാണെങ്കിൽ വാസുകി മാഡത്തിന് വിവരം കൊടുത്തിട്ടു ഇവരെയും കൊണ്ട് ഇവിടുന്നു മാറിക്കൊള്ളണം ”

”ഡാ ..അത് ?..”

”പറയുന്നത് കേൾക്ക് ,നമുക്ക് സമയം കുറവാണു ..”

പ്രിയ എന്റെ മുഖത്തെക്ക് തെല്ലു നേരം നോക്കി നിന്ന ശേഷം ഷൈനിയെ കാറിൽ നിന്ന് പിടിച്ചിറക്കി ,

” ….അമ്മെ ”

നേരെ നിൽക്കാനാകാതെ വയറും പൊത്തി അവർ നിലത്തേക്കിരിക്കുന്നതു കണ്ടു ഞാൻ പെട്ടെന്ന് താങ്ങിഎഴുന്നേൽപ്പിച്ചു , വേദന അത്കൊണ്ട് പുളയുന്നതു കണ്ടാലറിയാം പ്രിയ പോലീസ് മുറയിൽ നന്നായി പെരുമാറിയിട്ടുണ്ട് ..

”ഇങ്ങോട്ടു വരും വഴി ഇവള് കുറച്ചു മൊട കാണിച്ചു , ഇവനോട് വണ്ടി ഒതുക്കാൻ പറഞ്ഞു ഞാൻ ചെറുതായിട്ടൊന്നു കൈകാര്യം ചെയ്തു .സാരമില്ല കുറച്ചു കഴിഞ്ഞു ശരിയായി കൊള്ളും .”

ചെറുതായിട്ടൊന്നുമല്ല കാര്യമായി തന്നെ പെരുമാറിയിട്ടുണ്ട് ,എങ്കിലും ഷൈനിയത് അർഹിക്കുന്നതായതു കൊണ്ട് ഒന്നും പറയാൻ പോയില്ല ,,നടക്കാൻ പ്രയാസമുണ്ടവർക്ക് ,എങ്കിലും അരയിൽ കൂടി കയ്യിട്ടു പിടിച്ചു അവളെയും കൊണ്ട് മതിൽ പൊളിഞ്ഞു കിടക്കുന്നയിടത്തു കൂടി പാളത്തിലേക്ക് കയറി ,പറഞ്ഞത് പോലെ അമ്പതു മീറ്റർ മുന്നോട്ടു നടന്നപ്പോൾ വലതു വശത്തായി പഴയ ഷോപ്പിംഗ് കോംപ്ലക്സ്നു നടുവിലായി ഒരു ടെമ്പോ ട്രാവലർ പാർക്ക് ചെയ്തിരിക്കുന്നത് കണ്ടു ..ഇടയ്ക്കൊന്നു തിരിഞ്ഞു നോക്കി ആകാശ് പിന്നിൽ തന്നെയുണ്ട് , കൂടെ വരാൻ വാസുകി മാഡം നിർബന്ധം പിടിച്ചെങ്കിലും