🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന]

പ്രിയയെയും ,സമീറയെയും നോക്കികൊണ്ടാണ് ഷിജിൽ അത് പറഞ്ഞത് ..

”അതൊന്നും നടക്കില്ല , അവള് വിളച്ചില് കാണിച്ചാൽ ഞാൻ നോക്കിക്കൊള്ളാം ..”

”ചേച്ചി ,,വേണ്ടാത്തതൊന്നും കാണിക്കല്ലേ ,പത്തിരുപതു സെക്കൂരിറ്റിക്കാർ ,പിന്നെ ഗുണ്ടകൾ ,അവരെന്തെങ്കിലും സൂചന കൊടുത്താൽ പിന്നെ നമ്മളാരും തന്നെ പുറം ലോകം കാണില്ല , ,തല്ക്കാലം ഞാനേതെങ്കിലും നുണ പറഞ്ഞു കൊള്ളാം ,നിങ്ങൾ കുഴപ്പമുണ്ടാക്കാതെ ഒപ്പം നിന്നാൽ മതി ..”

”അത് കൊണ്ട് കാര്യമുണ്ടെന്നു തോന്നുന്നില്ല ,എന്നെയവർക്ക് നേരത്തെ അറിയാം ..”

സമീറ പറഞ്ഞത് ഞങ്ങളെല്ലാവരും ഒന്ന് നടുങ്ങി ..

”കർത്താവെ കുടുങ്ങിയോ ? തല്ക്കാലം നിങ്ങൾ ആ ഡോറിനു മറഞ്ഞു നിന്നോളൂ ..”

”അർജുൻ ,നിങ്ങൾ രക്ഷപ്പെട്ടോളൂ ..”

”സമീറ ,ഷിജിൽ പറയുന്നത് കേൾക്കു ..ആ ഡോറിനു പിന്നിലേക്ക് ….വേഗം ”

എന്റെ സ്വരം കുറച്ചു കടുത്തത് കൊണ്ടാകും സമീറ പിന്നെയൊന്നും പറയാതെ ഷിജിൽ ചൂണ്ടി കാണിച്ച കതകിന്റെ മറവിലേക്ക് മാറി നിന്നു , പെട്ടെന്ന് അങ്ങോട്ട് നോട്ടമെത്താതിരിക്കാൻ എന്നോണം പ്രിയയും ഒരു മറവായി ഡോറിനടുത്തു നിലയുറപ്പിച്ചു ..

”ഷിജിൽ ,അവളെവിടെ ,ആ തട്ടമിട്ട പെണ്ണ് ..”

”സിസ്റ്റർ ,അവള് താഴേക്കിറങ്ങി പോയി .”

”ഷിജിൽ വേണ്ട ,നുണ പറയരുത് ,വിളിക്ക് അവളെ ,അതോ ഞാൻ സെക്കൂരിറ്റിക്കാരെ വിളിക്കണോ ?”

”സമീറ ..”

ഷിജിലിന്റെ കണ്ണുകളിലെ നിസ്സഹായാവസ്ഥ കണ്ടു ഞാൻ തന്നെ സമീറയെ വിളിച്ചു ..

”സമീറ … ആ അത് തന്നെ പേര് ,ദേവമ്മയുടെ പെണ്ണ് ,വാ മോളെ, ശരിക്കൊന്നു കാണട്ടെ നിന്നെ ,പ്രതീക്ഷിച്ചില്ല നിന്നെയിവിടെ ,അതാണ് പെട്ടെന്ന് കണ്ടപ്പോൾ ….. ,,അല്ലാതെ നിന്നെയെനിക്ക് അത്ര പെട്ടെന്ന് മറക്കാൻ കഴിയുമോ ,ഒന്നുമില്ലെങ്കിലും റാണി ഡോക്ടറുടെ ഫ്ലാറ്റിൽ രണ്ടു ദിവസം നീയെന്നെ കുറെ സ്വർഗം കാണിച്ചതല്ലേ ?’

”സിസ്റ്ററെ അത് ,…അതിവരായിരിക്കില്ല ”

”ഷിജിൽ നീ മിണ്ടരുത് ,നിന്റെ ആദ്യത്തെ പരുങ്ങൽ കണ്ടപ്പോഴേ എനിക്ക് സംശയം തോന്നിയിരുന്നു ,ഏതായാലും ഞാൻ കാര്യങ്ങൾ വേണ്ടപ്പെട്ടവരെ വിളിച്ചറിയിക്കട്ടെ ,എന്താ വേണ്ടതെന്നു അവർ തീരുമാനിച്ചോളും .”

അവർ എളിയിൽ കുത്തിയിരുന്ന മൊബൈൽ എടുത്തു പാറ്റേൺ ലോക്ക് തുറക്കാൻ ശ്രമിക്കുന്നത് കണ്ടു പ്രിയയെ നോക്കുമ്പോഴേക്കും അവൾ ഷൈനിയുടെ പിന്നിലെത്തി കഴിഞ്ഞിരുന്നു ..പിന്നിൽ ചേർന്ന് നിന്നവർ അവളുടെ ചെവിയിൽ എന്തോ മന്ത്രിക്കുന്നതും ഷൈനിയുടെ മുഖം ഭയം കൊണ്ട് വിളറുന്നതും കണ്ടു പെട്ടെന്നെനിക്ക് കാര്യം മനസ്സിലായില്ല ..

”അർജുൻ ,ആ മൊബൈൽ വാങ്ങിക്ക് …കൊടുക്കെടി ..”

നിസ്സഹായായി പ്രിയയെ ഒന്ന് തിരിഞ്ഞു നോക്കി ഷൈനി മൊബൈൽ എനിക്ക് നേരെ നീട്ടി ,

‘ഇനി ‘മിണ്ടാതെ താഴേക്ക് നടന്നോ ,അതാണ് നിനക്ക് നല്ലതു ..”

അപ്പോഴാണ് ഷൈനിയുടെ കഴുത്തിന് താഴെ അമർന്നിരിക്കുന്ന പിസ്റ്റലിന്റെ കുഴൽ കാണുന്നത് ,വെറുതെയല്ല അവർ പൂച്ചക്കുഞ്ഞിനെ പോലെ അനുസരിക്കുന്നത് ,