🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന]

പ്രിയ ഓർമ്മിപ്പിച്ചു ,ഈ സമയത്തു ഞങ്ങൾ രണ്ടും ഒതുക്കത്തിൽ പഞ്ചാരയടിച്ചു സമയം കളയുന്നു എന്ന് കരുതിയാകും ഞങ്ങളെ രണ്ടാളെയും അർത്ഥം വച്ച് പോലെ മാറി മാറി നോക്കുന്നുണ്ട് ,പോലീസുകാരിയല്ലേ എന്തിലുമവർക്കൊരു സംശമുണ്ടാകുന്നത് സ്വാഭാവികമാണ് , അത് വക വയ്ക്കാതെ ഞാൻ സമീറയുടെ കയ്യിൽ നിന്നും ബാഗ്‌ വാങ്ങി ..

”അർജുൻ ഞാനിനി …”

”സമീറയ്ക്ക് ദേവമ്മയെ കാണേണ്ടേ …”’

”പടച്ചോനെ സത്യാണോ ,……. ..”

ദേവമ്മയുടെ കാര്യം കേട്ടതും സമീറ സന്തോഷം ഇപ്പൊ കൊണ്ട് തുള്ളി ചാടും എന്ന അവസ്ഥയിലാണ് ,

”അർജുൻ ആ കൊച്ചിനോട് അടങ്ങി നിൽക്കാൻ പറ , ഒച്ച കേട്ട് ആരെങ്കിലും ശ്രദ്ധിച്ചാൽ പണിയാകും ,സ്‌കൂൾ ഗ്രൗണ്ടാണ് ,രാത്രി സമയവും ,രണ്ടാണുങ്ങളെയും ഞങ്ങളെയും കണ്ടാൽ ആളുകൾ അതേ വിചാരിക്കു ..”

പ്രിയ ശാസിക്കും മട്ടിൽ പറഞ്ഞതോടെ സമീറയുടെ മുഖം വാടി ..

”സോറി ,ഞാൻ പെട്ടെന്ന് ..”

കാര്യമാക്കേണ്ടെന്ന മട്ടിൽ കണ്ണിറുക്കി കാണിച്ച ശേഷം ബാഗുമായി ഞാൻ കാറിലേക്ക് കയറി ,പിന്നാലെ പ്രിയയും സമീറയും ..

”അർജുൻ ഞാൻ എന്താ ചെയ്യേണ്ടത് ..”

ഗ്രൗണ്ടിന് വെളിയിലേക്ക് കടന്നതും കാത്തു നിന്ന ആകാശ് അടുത്തേക്ക് വന്നു ..

”നീ വിട്ടോ ,അവിടെ ജീന ഒറ്റയ്ക്കല്ലേ ”

”മമ്മിക്കിന്നു ഓഫാ ,പിന്നെ പുതിയ താമസക്കാര് വന്നതിന്റെ വിശേഷം പറയലും ബഹളവും ..,വൈകിയാലും പ്രശ്നമില്ല ..”

”എന്നാൽ നീ ഇതിൽ കയറിക്കോ , അല്ലെങ്കിൽ വേണ്ട ബൈക്കിൽ മുന്നിൽ വിട്ടോ ,ഹൈവേ ജംഗ്ഷൻ കഴിഞ്ഞുള്ള എലൈറ്റ് ഓഡിറ്റോറിത്തിനു പിന്നിൽ നഴ്സിംഗ് സ്റ്റുഡന്റസ് ന്റെ ഹോസ്റ്റൽ ഉണ്ട് ,അതിനു അടുത്തായി ബൈക്ക് വച്ച് വെയിറ്റ് ചെയ്‌താൽ മതി .ഞങ്ങൾ പിന്നാലെയുണ്ട് .ആ പിന്നെ ശ്രദ്ധിക്കണേ ആ ഏരിയ കുറച്ചു പ്രശ്നമുള്ളതാ .”

”അക്കാര്യം വിട്ടേക്ക് ,ഞാൻ ശ്രദ്ധിച്ചോളാം ,പിന്നെ ആ റോഡിൽ മുന്നോട്ടേക്ക് പോയാൽ രാത്രിയും തുറക്കുന്ന ഒരു ടി സ്റ്റാളുണ്ട്‌ ,പരിചയമുള്ള ചേട്ടനാണ് ,അവിടെയാകുമ്പം കുറച്ചു കൂടി സേഫാണ് ..”

രണ്ടു പെണ്ണുങ്ങളെയും കൊണ്ടാണ് പോകുന്നത് , ,ഒരു ധൈര്യത്തിന് ആകാശും കൂടി ഇരിക്കുന്നതു നല്ലതാണെന്നു തോന്നി ,അതാണ് അവനോടും വരാൻ പറഞ്ഞത് .. വൈത്തിക്ക് വേണ്ടി പാഞ്ഞു നടക്കുന്ന അരുണിന്റെ ആൾക്കാരുടെ ശ്രദ്ധയിൽ പെടാതിരിക്കാൻ ശ്രീജ ചെറിയമ്മയെ സോപ്പിട്ടു അവരുടെ ഫിഗോയും എടുത്താണ് പോന്നിട്ടുള്ളത് ..വല്യമ്മയുടെ വീട്ടിൽ ചെല്ലുമ്പോൾ ആള് മൊബൈലിൽ കുത്തി ഇരിക്കുന്നുണ്ട് ,ചെറിയമ്മേ ഒന്ന് പുറത്തു പോകാൻ വണ്ടി തരുമോ എന്ന് വെറുതെ ചോദിച്ചതാണ് ,ഒന്നും മിണ്ടാതെ താക്കോലെടുത്തു കയ്യിൽ തന്നു ..

ആകാശ് ബൈക്കും കൊണ്ട് പറക്കുകയാണ് ,അവനോടൊപ്പം ഓടിയെത്തുക കുറച്ചു കടുപ്പമാണ് ,എങ്കിലും കത്തിച്ചു വിട്ടു ..ഹോസ്റ്റൽ എത്താനായതും സരോജ ഡോക്ടർ തന്ന നമ്പറിൽ വിളിച്ചു നോക്കി ,

”കുറച്ചു കൂടി മുന്നോട്ടു …”

നിർദേശം കിട്ടി , കുറച്ചു മുന്നോട്ടു പോയതോടെ ആകാശ് പറഞ്ഞ ടി സ്റ്റാളിന്റെ വെളിച്ചമാണെന്നു തോന്നുന്നു ,കാണുന്നുണ്ട് ,അതെ അവൻ പറഞ്ഞ സ്ഥലം തന്നെ ,,അതിനു നേരെ എതിർ വശം ഒരു വർക്ക് ഷോപ്പാണ് ,അതിനരുകിലായി ഒരു ഇക്കോ വാൻ നിർത്തിയിട്ടുണ്ട് ..പിന്നിൽ കൊണ്ട് പോയി അടുപ്പിച്ചു നിർത്തി നോക്കിയപ്പോൾ മനസ്സിലായി അതൊരു ചാരിറ്റബിൾ സൊസൈറ്റിയുടെ ആംബുലൻസാണ് , പേര് സൈഡിൽ കണ്ടു …അതെ ഇത് തന്നെയാണ് അവർ പറഞ്ഞ വാഹനം ..

തൊട്ടു തൊട്ടില്ലെന്ന മട്ടിൽ ഫിഗോ ഒതുക്കി ഇറങ്ങുമ്പോൾ ഉള്ളിൽ ചെറിയ ഭയമുണ്ടായിരുന്നു , വണ്ടിയിൽ ആരാണ് ഏതാണ് എന്നറിയില്ല ,എങ്ങനെയാണു കാര്യങ്ങൾ പ്ലാൻ ചെയ്തിരിക്കുന്നതെന്നറിയില്ല ,സ്മിതയെ കൂട്ടി ജില്ലാ