Posted by അമ്മ നടി 1
Amma Nadi Part 1 | Author : Pamman Junior
അറിയിപ്പ്:
ഈ നോവലിലെ കഥയും കഥാപാത്രങ്ങളും തികച്ചും സാങ്കല്‍പ്പികം മാത്രമാണ്. മറിച്ചുള്ള തോന്നലുകള്‍ യാഥൃശ്ചികമാണ്.
ഈ കഥയില്‍ മതമോ, ജാതിയോ, വര്‍ണ്ണമോ, വര്‍ഗ്ഗമോ, ദേശമോ, ഭാഷയോ, സംസ്‌കാരമോ, ആചാരമോ ഒന്നും തന്നെ മനപൂര്‍വ്വം വിമര്‍ശിക്കുകയോ, കളിയാക്കുകയോ ചെയ്യുന്നില്ല, കഥയുമായി ബന്ധപ്പെട്ട പരാമര്‍ശങ്ങള്‍ ഈ കഥയുടെ പശ്ചാത്തലത്തില്‍ മാത്രം ഉള്ളതായിരിക്കും.
ഈ കഥയില്‍ മദ്യം, മയക്കുമരുന്ന്, സിഗരറ്റ് എന്നിവ പ്രോത്സാഹിപ്പിക്കുന്ന സന്ദര്‍ഭങ്ങള്‍ ഉണ്ടാവില്ല. കഥയില്‍ അവ കടന്നു വന്നാല്‍ തന്നെയും അത് കഥയുടെ പശ്ചാത്തലത്തിലും അതിന്റെ ദൂഷ്യവശം എന്തെന്ന് വായനക്കാരെ മനസ്സിലാക്കുവാനും മാത്രമായിരിക്കും.
18 വയസ്സില്‍ താഴെ പ്രായമുള്ള കുട്ടികള്‍, മൃഗങ്ങള്‍ ഇവയൊന്നും ഈ കഥയില്‍ കഥാപാത്രങ്ങളായി വരുന്നതല്ല.
നന്ദി:
ഈ സൈറ്റില്‍ എനിക്ക് ഒരിടം ഒരുക്കിത്തന്ന ബഹുമാനപ്പെട്ട ഡോ.കമ്പിക്കുട്ടന്,
എന്നെ വിമര്‍ശിക്കുകയും പ്രോത്സാഹിപ്പിക്കുകയും ചെയ്യുന്ന സഹഎഴുത്തുകാര്‍ക്ക്,
എന്റെ ശക്തിയായ എന്റെ സ്വന്തം വായനക്കാര്‍ക്ക്,
ഈ നോവലിന്റെ ടൈറ്റില്‍ പറഞ്ഞപ്പോള്‍ തന്നെ എന്നെ പ്രോത്സാഹിപ്പിച്ച കുറച്ച് സുഹൃത്തുക്കളുണ്ട് ആരുടെയെങ്കിലും പേര് വിട്ടുപോയാല്‍ അവര്‍ക്ക് സങ്കടം ആകുമെന്നതിനാല്‍ പേര് പറയുന്നില്ല, ലക്ഷ്മീവനം എന്ന എന്റെ കഥയില്‍ കമന്റ് ഇട്ട എല്ലാ കൂട്ടുകാര്‍ക്കും….. നന്ദി!!!
സമര്‍പ്പണം:
എന്റെ മനസ്സില്‍ കമ്പിക്കഥയുടെ അണ്ഡംവളര്‍ത്തി എന്നെ ഒരു കമ്പിയെഴുത്തുകാരനാക്കിയ എന്റെ മനസ്സിലെ മറുപാതിക്ക്… എന്നോടൊപ്പം ഹൃദയം കൊരുത്ത് നീ ചേര്‍ന്നു നില്‍ക്കുന്നതാണെന്റെ ജന്മപുണ്യം. എന്റെ ഡിപിയില്‍ എന്നോടൊപ്പം ചേര്‍ന്നു നില്‍ക്കുന്ന എന്റെ ദേവതയ്ക്ക്…
അമ്മ നടി ആരംഭിക്കുന്നു….
രാത്രിയെ പുണര്‍ന്ന് മതിവരാത്ത ഒരു പനിനീര്‍പ്പൂവ് രാത്രി സമ്മാനിച്ച മഞ്ഞിന്‍കണം താഴേക്ക് പൊഴിച്ചു. മരച്ചില്ലയില്‍ ചേര്‍ന്നിരുന്ന് ഉറങ്ങിയ രണ്ട് ഇണക്കുരുവികള്‍ മെല്ലെ ചുണ്ടുകളൊന്ന് കൊരുത്തിട്ട് അവ രണ്ടും പ്രണയാര്‍ദ്രമായി പാടി… റബര്‍മരങ്ങളില്‍ ചേക്കേറിയ കാകന്മാര്‍ ആ ഇണക്കരുവികളുടെ പാട്ടുകേട്ട് ഉറക്കംവിട്ടെണീറ്റ് സൂര്യകിരണങ്ങളെനോക്കി അലച്ചുപറന്നു.
കോടമഞ്ഞില്‍ പുതച്ചുറങ്ങിയ ഇടുക്കിയിലെ കട്ടപ്പനയിലെ പള്ളിക്കവലയും മെല്ലെ ഉറക്കത്തില്‍ നിന്ന് ഉണര്‍ന്നെണീറ്റു.
കവലയിലെ തട്ടുകടനടത്തുന്ന മുരുകന്‍ അണ്ണാച്ചി പെട്രോള്‍ മാക്‌സ് കത്തിക്കുവാനുള്ള ശ്രമത്തിലായിരുന്നു.