Posted by
കൃഷ്ണ അവളുടെ കവിളിൽ പിടിച്ചുകൊണ്ട് പറഞ്ഞു
“അഭിനയമോ… എന്തഭിനയം, നീ അതുമിതുമൊന്നും പറയല്ലേ”
ദേവിക നാണത്തോടെ ചോദിച്ചു
“പെണ്ണെ… കളിക്കല്ലേ… ഇക്കാര്യം ഞാൻ പറഞ്ഞപ്പൊത്തന്നെ പെണ്ണിന്റെ മുഖം നാണംകൊണ്ട് ചുവന്നു തുടുത്തല്ലോ”
കൃഷ്ണ അവളുടെ കവിളിൽ നുള്ളിക്കൊണ്ട് പറഞ്ഞു
“എനിക്കിഷ്ടാ നിന്നെ എന്റെ ഏട്ടത്തിയമ്മയ്ക്കാൻ”
കൃഷ്ണ ചിരിച്ചുകൊണ്ട് പറഞ്ഞു
ദേവിക നാണംകൊണ്ട് നഖം കടിച്ചു
വിഷ്ണു റൂമിലെത്തി വേഷംമാറി മൊബൈൽ എടുത്ത് ദേവികക്ക് ഒരു മിസ്സ്ഡ് കാൾ കൊടുത്തു
കൃഷ്ണക്കരികിൽ ഇരിക്കുകയായിരുന്ന ദേവിക കാൾ കണ്ട് കൃഷ്ണയെ ഒന്ന് നോക്കി
“ഏട്ടനായിരിക്കും… വേഗം ചെല്ല് പ്രിയതമൻ കാത്തിരിക്കുകയായിരിക്കും…”
കൃഷ്ണ കളിയാക്കിക്കൊണ്ട് ദേവികയോട് പറഞ്ഞു
“ഒന്ന് പോടീ…”
ദേവിക നാണിച്ചു ചിരിച്ചുകൊണ്ട് എഴുന്നേറ്റു
“പിന്നെ അവിടെച്ചെന്നു കുരുത്തക്കേടൊന്നും കാണിക്കരുത് ഇവിടെ ഞാനും അമ്മയുമൊക്കെയുണ്ടേ”
കൃഷ്ണ അവളെ കളിയാക്കി
ദേവിക നാണത്തോടെ അവളുടെ കയ്യിലൊന്നു നുള്ളി
ദേവിക വിഷ്ണുവിന്റെ അടുത്ത് ചെല്ലുമ്പോ അവൻ കട്ടിലിന്റെ ക്രോസ്സിൽ തലവച്ചു കിടക്കുകയായിരുന്നു.
“എന്തിനാ വിളിച്ചത്…”
ദേവിക കേറുവോടെ ചോദിച്ചു
“എന്താ എന്റെ തമ്പുരാട്ടിക്ക് ഒരു ദേഷ്യം”
വിഷ്ണു ചിരിച്ചുകൊണ്ട് ചോദിച്ചു
“എന്നോട് മിണ്ടണ്ട… എനിക്ക് ചിലപ്പോ ഡെറ്റോൾ മണക്കും”
ദേവിക അതെ ഭാവത്തിൽ പറഞ്ഞു
“അയ്യോടി… ദേഷ്യം വന്നോ എന്റെ പെണ്ണിന്…”
അതും പറഞ്ഞുകൊണ്ട് വിഷ്ണു എഴുന്നേറ്റ് അവളെടുത്തേക്ക് ചെന്നു
ദേവിക കപടദേഷ്യത്തോടെ അവനെ നോക്കി
“മ്…ദേഷ്യം തന്നെ”
അവൾ പറഞ്ഞു
“അപ്പൊ ആ ദേഷ്യം മാറ്റണമല്ലോ”
അതും പറഞ്ഞു അവൻ അവളോട് അടുത്തു.
അവന്റെ ഉദ്ദേശ്യം മനസ്സിലായ അവൾ പതിയെ വാതിലിനടുത്തേക്ക് നീങ്ങി നിന്നു
“ഉണ്ണിയേട്ടാ… കളിക്കല്ലേ ഇവിടെ അമ്മുവും അമ്മയുമൊക്കെയുണ്ട് പറഞ്ഞേക്കാം…”
അവൾ പുറത്തേക്ക് നോക്കിക്കൊണ്ട് പറഞ്ഞു
അവൻ അവളുടെ അടുത്തെത്തി പതിയെ വലതു കൈകൊണ്ട് അവളുടെ വെളുത്ത വയറിന്മേൽ പിടിച്ചു, പതിയെ അവളെ അവനിലേക്ക് ചേർത്ത് ചുണ്ടിൽ പതിയെ ചുണ്ടമർത്തി
ദേവിക പെരുവിരലിൽ കുത്തി കൈകൾ അവന്റെ ചുമലിലേക്കിട്ട് ആ ചുംബനം ആസ്വദിച്ചു