Posted by “ഞാൻ പല്ലും കൂടി തേച്ചിട്ടില്ല …”
മഞ്ജുസ് എന്നെ തള്ളിക്കൊണ്ട് ചിരിയോടെ പറഞ്ഞു .
“ഓഹ്…അതൊന്നും സാരല്യ..എന്റെ മഞ്ജുസ് അല്ലെ ..നീ ഇങ്ങു വാ..”
ഞാൻ അവൾ ബലമായി വീണ്ടും പിടിച്ചു വലിച്ചു . പക്ഷെ പെണ്ണ് സമ്മതിച്ചില്ല എന്നെ ഉന്തി തള്ളി മഞ്ജു തിരിഞ്ഞോടി .ചന്തിയും കുലുക്കിയുള്ള ആ ഓട്ടം ഞാൻ ചിരിയോടെ നോക്കി കൈകെട്ടി നിന്നു .
“ഡാ…ഞാൻ കുളിച്ചിട്ട് വരാം…”
സോഫയിൽ കിടന്ന ടവൽ എടുത്തു തോളത്തിട്ടുകൊണ്ട് മഞ്ജുസ് എന്നെ നോക്കി പറഞ്ഞു.
“ഈ തണുപ്പത്തോ?”
ഞാൻ അന്തം വിട്ടു അവളെ നോക്കി .
“സൊ വാട് ?”
അവൾ കള്ളച്ചിരിയോടെ എന്നെ നോക്കി .
“ഒന്നുമില്ല..ഇത് വട്ടാ..”
ഞാൻ ആരോടെന്നില്ലാതെ പറഞ്ഞു അവളോട് പൊക്കോളാൻ പറഞ്ഞു .
എനിക്കൊരു ഫ്ളയിങ് കിസ്സും സമ്മാനിച്ച് മഞ്ജു മൂളിപ്പാട്ടും പാടി കുളിക്കാനായി പോയി . ഞാൻ പുറത്തെ കാഴ്ചയും നോക്കി അങ്ങനെ കുറെ നേരം നിന്നു . മഴയും നോക്കി നില്ക്കാൻ നല്ല രസം ആണ് .
അങ്ങനെ നോക്കി നിൽക്കെ തന്നെ മഞ്ജുസ് കുളിയും കഴിഞ്ഞു തിരികെ വന്നു . കുളി കഴിഞ്ഞു ഒരു പിങ്ക് കളർ ബെഡ്‌റൂം നൈറ്റിയാണ് അവൾ എടുത്തിട്ടത് . അടിയിൽ നഹി നഹി !
ഇന്ന് റൂം വിട്ടു പുറത്തു പോകാൻ സാധ്യതയില്ലെന്ന് മഞ്ജുസിനും തോന്നിയിട്ടുണ്ട്. അതുകൊണ്ട് വെറുതെ അടിയിലിട്ടു പ്രെശ്നം ഉണ്ടാക്കേണ്ട എന്ന് കരുതിക്കാണും .
കുളി കഴിഞ്ഞു വന്നു മുടിയൊക്കെ ഉണക്കി അത് കെട്ടിവെച്ചതിനു ശേഷമാണ് അവൾ എന്റെ അടുത്തേക്ക് വന്നത് . അവൾ വരുന്നത് കണ്ട ഞാൻ അകത്തേക്ക് കടന്നു വാതിൽ ചാരി കുറ്റിയിട്ടു . വരാന്തയിലേക്ക് കടക്കാൻ ഉള്ള ചെറിയ വാതിൽ ആണത് . അവിടെ ബാൽക്കണി പോലെ നിന്നു പുറത്തെ കാഴ്ചകൾ കാണാം !
ഞാൻ അകത്തേക്ക് കടന്ന് മഞ്ജുസിനെ ഇടം കൈകൊണ്ട് ചേർത്ത് പിടിച്ചു .
“കഴിക്കുന്നില്ല ..ഫുഡ് ഒകെ ഞാൻ പോയി വാങ്ങിച്ചിട്ടുണ്ട് ”
ഞാൻ ടീപോയിലേക്ക് ചൂണ്ടിക്കൊണ്ട് പറഞ്ഞു .
“അപ്പൊ നീയോ ?”
അവളെന്നെ മുഖം ചെരിച്ചു നോക്കി .
“ഞാൻ പിന്നെ കഴിച്ചോളാം ..പിന്നെ ഞാനൊരു കാര്യം ചോദിച്ചോട്ടെ ?”
ഞാൻ മടിച്ചു മടിച്ചു അവളെ നോക്കികൊണ്ട് ചോദിച്ചു ,.തണുപ്പൊക്കെ കൂടിയപ്പോ ഒന്ന് പുകച്ചു നോക്കാം എന്നൊരു പൂതി.അത് അവളോട് ഒന്നവതരിപ്പിക്കാനുള്ള വ്യഗ്രത ആണ് .
“എന്താ ?”
മഞ്ജുസ് ചിരിയോടെ എന്നെയും നോക്കി .