Posted by
അതിനവൾക്കു ഉത്തരമില്ലായിരുന്നു..
“നന്ദുവേട്ടനെന്തു പറഞ്ഞാലും ഞാൻ പോകും. “
ദേവു ഉറപ്പിച്ചു പറഞ്ഞു. കാര്യം എന്തെന്ന് മനസിലാവാതെ ഞാൻ അവളെ ദയനീയമായി നോക്കി ഇരുന്നു.
” ദേവു.. “
അവളെന്നെ തലയുയർത്തി നോക്കി.
” ഞാൻ പറയുന്ന കേൾക്കു. എന്റെ വീട്ടിൽ എന്ത് പ്രശ്നമുണ്ടെങ്കിലും നമുക്ക് പറഞ്ഞു തീർക്കാം.. “
” എനിക്കവിടെ ഒരു പ്രശനവും ഇല്ല നന്ദുവേട്ട.. “
” പിന്നെന്താ ഡോ.. ഇനി ഞാൻ എന്തെങ്കിലും തെറ്റ് ചെയ്തിട്ടാണോ ? “
” തെറ്റ് ചെയ്തത് ഞാനാ…. ഈ ഞാൻ… “
അവളുടെ കരച്ചിലിനാഴം കൂടി. ഒന്നും മനസിലാവാത്തവനെ പോലെ ഞാൻ ……
” എനിക്ക് വയ്യ.. ഇനിയും നന്ദുവേട്ടന്റെ കൂടെ ഇങ്ങനെ…… . എന്റെ പ്രശനം നിങ്ങള നന്ദുവേട്ടാ…… “
” ഞാനോ.. “
ഒരുനിമിഷമെങ്കിലും ഞാൻ പകച്ചു നിന്നു പോയി. അത്ര മാത്രം മനസ്സിൽ തട്ടി പറയാൻ മാത്രം എന്തപരാധം ആണവളോട് ഞാൻ ചെയ്തത്.
” തെറ്റ് എന്റെയാ… ഈ എന്റെ…. “
” അന്ന് ഞാൻ നന്ദുവേട്ടന്റെ കണ്ടത് തെറ്റ് . അന്ന് നന്ദുവേട്ടന്റെ റൂമിൽ കയറി വന്നത് തെറ്റ്. . .. കല്യാണമെന്നു എല്ലാവരും പറഞ്ഞപ്പോൾ എതിർക്കാതിരുന്നതും തെറ്റ്. നന്ദുവേട്ടന്റെ ഭാര്യയാവാൻ കഴുത്തു നീട്ടിയത് തെറ്റ്…… നന്ദുവേട്ടന്റെ വീട്ടിലേക്കു വന്നത് തെറ്റ്. നന്ദുവേട്ടനെ കുറിച്ച് അറിഞ്ഞത് തെറ്റു. മിണ്ടിയത് മിണ്ടിയത് തെറ്റ്….. നന്ദുവേട്ടന്റെ ജീവിതത്തിൽ സ്ഥാനമില്ലെന്നറിഞ്ഞിട്ടും സ്നേഹിച്ചു പോയത് തെറ്റ്.. എല്ലാ തെറ്റും എന്റെയാ ഈ എന്റെ……. “