Posted by
” അതിന് നീ എന്തിനാ ദേഷ്യപ്പെടുന്നെ.. ഒന്നുമില്ലെ ങ്കിൽ അതങ്ങു പറഞ്ഞാൽ പോരെ.. . “
കയ്യിൽ കരുതിയ പുതപ്പു തല വഴി മൂടി വീണ്ടും ഞാൻ ഉറങ്ങാൻ കിടന്നു.
” നന്ദുവേട്ടന് ആരോടേലും ഇഷ്ടോണ്ടോ? “
ഞാൻ പുതപ്പു മുഖത്തു നിന്നു മാറ്റി അവളെ ഒന്നുകൂടി നോക്കി. എന്നെ തന്നെ നോക്കി എന്റെ മറുപടിക്കായി കാത്തിരിക്കയായിരുന്നു അവൾ.
” പറയാൻ പാകത്തിന് ഒന്നും ഇല്ലാരുന്നെടോ… “
” അപ്പൊ ഉണ്ടായിരുന്നോ ? “
” മ്മ്.. ഡിഗ്രി ഫസ്റ്റ് ഇയർ പഠിക്കുമ്പോ. ഡബിൾ സൈഡ് ഒന്നും അല്ല സിംഗിൾ… “
” എന്നിട്ടു…. “
ദേവു ആകാംഷയോടെ ചോദിച്ചു.
” എന്നിട്ടെന്താ.. അവൾ ഇപ്പൊ കെട്ടി പെണ്ണിന് ഒരു കുട്ടിയും ആയി… “
” അതെന്താ നന്ദുവേട്ടൻ പോയി പറഞ്ഞില്ലേ അവളോട്. “
” ഇല്ലെടോ…. പേടി ആയിരുന്നു. അവളിനി സമ്മതിച്ചില്ലെങ്കിലോ എന്നോർത്തു. നമുക്കു ശരി ആകുമോ എന്നോർത്തു. പറയാൻ പറ്റിയില്ല.. “
” അയ്യോ കഷ്ടം ആയി പോയി… “
” അന്ന് എനിക്ക് ഒരു കാര്യം മനസിലായി. നമുക് ആരോടേലും ഇഷ്ടം തോന്നിയാൽ അപ്പൊ തന്നെ അങ്ങ് പറഞ്ഞേക്കണം.. പിന്നെ അത് പോയി എന്നും പറഞ്ഞു കരഞ്ഞിട്ടൊരു കാര്യോം ഇല്ല… “
പെട്ടന്നെവളുടെ ഭാവം മാറി. ചിരിച്ചു കൊണ്ടിരുന്ന അവളെന്തോ ചിന്തിച്ചു കൊണ്ട് കട്ടിലിലേക്ക് കിടന്നു.