ഞങ്ങൾ എന്താണ് സംസാരിക്കുന്നത് എന്ന് പോലും മനസിലാവാതെ ഞങ്ങളെ തന്നെ നോക്കി മാറി മാറി നോക്കി കൊണ്ടിരിക്കയായിരുന്ന പ്രിയയെ അപ്പോളാണ് ഞാൻ ശ്രെധിച്ചത്.
” നിങ്ങൾ അപ്പോളേക്കും കൂട്ടായോ? “
” മ്മ് … പാവം കുട്ട്യാ… അച്ഛൻ മലയാളി ആണെന്നെ ഒള്ളു ഒരിറ്റ് മലയാളം അറിയില്ല ആ കുട്ടിക്ക്… അവളുടെ മലയാളം കേട്ട നമുക് ചിരി വരും.. “
” അതിന് തനിക് തമിഴ് അറിയുവോ ? “
” ഇല്ലന്നെ. ആ കുട്ടി പറയണത് എനിക്ക് പകുതി തിരിയാനില്ല. എന്നാലും ചിലതൊക്കെ മനസിലാകും. “
കൂട്ടിനു ഒരാളെ കിട്ടിയപ്പോൾ ദേവുവിന്റെ പാതി വിഷമം കുറഞ്ഞതായി തോന്നി.
” മ്മ് .. എല്ലാര്ക്കും തന്നെ വലിയ കാര്യം ആണല്ലോ .. “
” ആഹ്… അതാ എനിക്കും മനസിലാകാതെ…. ഞാനിതുവരെ കണ്ടു ഓർമ്മപോലും ഇല്ലാത്ത ഒരാളും അയാളുടെ കുടുംബവും എന്നെ സ്വന്തം കുട്ടിയെ പോലെ നോക്കുന്നെ. “
കുറച്ചു നേരം കൊണ്ട് തന്നെ ദേവുവിനു ഇവിടം വല്ലാതെ ഇഷ്ടമായി എന്നെനിക് മനസിലായി
” അല്ല.. ഇനി അച്ഛൻ വരുന്ന വരെ തനിക് ഇതൊക്കെ കണ്ടു ഇവിടെ നിക്കനുള്ള വല്ല പ്ലാനും ഉണ്ടോ ആവോ? നാട്ടിലേക്കു വരുന്നില്ലേ.? “
ഞാൻ വെറുതെ ഒരു തമാശക്കെന്നോണം ചോദിച്ചു .
” ഞാൻ ഇവിടെ നിക്കുന്നതാണോ നന്ദുവേട്ടന് ഇഷ്ടം. അവിടെ എനിക്ക് ആരാ ഉള്ളെ? “
പെട്ടന്നാണ് ദേവുവിന്റെ ചോദ്യം ഉയർന്നത്.