” ഇതാ ഞാൻ പറഞ്ഞത് നീ ആള് ശെരി അല്ലെന്നു…. ഈ ഫോൺ ഇല്ലാത്ത പെണ്ണിനെ ഞാൻ എന്തെടുത്തു വിളിക്കാനാ? “
അപ്പോളാണ് ദേവുവിന് സ്വന്തമായി ഒരു ഫോൺ പോലും ഇല്ലാന്ന് ഞാൻ അറിയുന്നത് പോലും.
” ആഹ് ഞാൻ ചുമ്മാ വിളിച്ചതാടാ.. നീ കാര്യം ആക്കണ്ട കേട്ടോ.. “
ഞാൻ തിരിച്ചൊന്നും പറയുന്നില്ല എന്ന് കണ്ടപ്പോൾ ഏടത്തി പറഞ്ഞു. ആദ്യം അങ്ങനെയൊക്കെ പറഞ്ഞതിൽ ഒരു മാപ്പു ചോദിക്കാതെ ചോദിക്കുകയാണ് ഏടത്തി എന്ന് തോന്നി.
” നിങ്ങൾ എവിടെയാ ഹോട്ടലിൽ അവിടെ റൂം എടുത്തോ? “
ഏടത്തിയുടെ അടുത്ത ചോദ്യം.
” ഇല്ല ഹരിയുടെ ഒരു കസിന്റെ വീട്ടിലാണ്… നാളെ ഞങ്ങൾ ഇവിടുന്നു ആണ് പോവുക. ഇവിടെ അടുത്ത് കുറച്ചു സ്ഥലങ്ങളിൽ “
വെറുതെ ഞാൻ അങ്ങനെ ഒരു കള്ളം പറഞ്ഞു.
ഏടത്തിയുടെ കാൾ കട്ട് ചെയ്ത ഞാൻ മുറിയിൽ നിന്നും ഇറങ്ങാൻ തുനിഞ്ഞതും ദേവു എന്നെ പിന്നിൽ നിന്നു വിളിച്ചു …
” രാമേട്ടനെന്താ പറഞ്ഞെ.? അച്ഛനെ കുറിച്ച് വല്ലതും.? “
ഞാൻ ഊഹിച്ചു അവൾക് ചോദിക്കാനുള്ളത് അത് തന്നെ ആയിരിക്കും എന്ന്.
” അച്ഛൻ പോകാൻ സാധ്യത ഉള്ള രണ്ടു ഇടങ്ങളിൽ കൂടി അന്ന്വേക്ഷിക്കണം. അത് അന്ന്വേഷിച്ചു നാളെ പറയാം എന്ന് രാമേട്ടൻ പറഞ്ഞിട്ടുണ്ട്. “
” മ് … നന്ദുവേട്ടന് ഇവിടെ വന്നത് ഇഷ്ടായില്ലന്നുണ്ടോ .? “
” അതെന്താപ്പോ..? ഒരു കുഴപ്പവും ഇല്ല. ഇവരെല്ലാം സൂപ്പർ അല്ലെ. “