Posted by പപ്പ ബിസിനെസ്സ് ആവശ്യങ്ങൾക്ക് വേണ്ടി പുറത്തു പോകുമ്പോൾ ഒറ്റപെട്ടു പോകുന്ന എനിക്ക് കൂട്ടായി ഇടക്കിടെ അന്നും അവർ പ്രത്യക്ഷപ്പെടാറുണ്ടായിരുന്നു…
എന്നോട് അവർ വളരെ സ്നേഹസൗമ്യതയോടെ പെരുമാറുമായിരുന്നുവെങ്കിലും എനിക്ക് അവരോട് അങ്ങനെ പെരുമാറാൻ അറിയില്ലായിരുന്നു.
അവരോടും ഞാൻ എന്റെ പരുഷമായ രീതി തന്നെയാണ് കൈകൊണ്ടത്. വളരെ ധാഷ്ട്ട്യത്തോടെ തന്നെയാണ് പെരുമാറിയത്.
എന്റെ മനസ്സിന് ബാധിച്ച ഒരു തരം ഈഗോ തന്നെയായിരുന്നു അതിനു കാരണം…
എത്ര ശ്രമിച്ചിട്ടും എനിക്ക് എന്റെ കോപവും, ഇത്തരം വൃത്തികെട്ട സ്വഭാവങ്ങളും നിയന്ത്രിക്കാൻ കഴിഞ്ഞില്ല.. പക്ഷെ പുറമെയുള്ളവരോട് ഞാൻ എക്സ്ട്രാ ഡീസന്റ് ആയിരുന്നു.
വീട്ടിനുള്ളിൽ ഒരു തരം ഗുണ്ടാ സ്വഭാവം… എന്നാൽ പുറത്ത് വളരെ ശാന്ത സ്വഭാവക്കാരനാണ്.
അവർ എനിക്ക് വേണ്ടിയുള്ള ഇഷ്ട്ടപ്പെട്ട ഭക്ഷണം തയാറാക്കുന്ന കാര്യത്തിലും മറ്റും വളരെ ശ്രദ്ധിച്ചിരുന്നു, മറ്റെല്ലാ കാര്യത്തിലും അവർ, പക്കാ തന്നെ ആയിരുന്നെങ്കിലും ഞാൻ കരുതി കൂട്ടി ആ ആ ഭക്ഷണത്തിന് കുറ്റം പറയുമായിരുന്നു. അവരുണ്ടാക്കുന്ന ഒന്നും തന്നെ വീട്ടിൽ നിന്നും കഴിക്കാറില്ല…
പിന്നെ അവരെ സംബന്ധിച്ചിടത്തോളം ആരെയും ആശ്രയിക്കാതെ ജീവിക്കുന്ന വ്യക്തി ആയത് കൊണ്ട് അവരുടെ സ്വകാര്യ ജീവിതം ചെറിയ മട്ടിലായാലും ആസ്വദിച്ചും, ആഘോഷിച്ചും ഒക്കെ കഴിയുന്നവരാണെന്ന് അവരെന്ന് എനിക്കറിയാം…
പ്രതിഫലം മോഹിച്ചു കൊണ്ടൊന്നുമല്ല അവർ ഇവിടെ വരുന്നത് എന്നും എനിക്കറിയാം. പക്ഷെ എന്റെ തിരസ്‌ക്കാര ബുദ്ധിക്കു മുന്നിൽ അതിനൊന്നും വിലയില്ലാതെ പോയി.
പറയാൻ മാന്യമായ ജോലി, തെറ്റില്ലാത്ത്ത സമ്പാദ്യം, ആരോഗ്യം, സമ്പാദ്യം എന്ന് വേണ്ട സ്വന്തമായി ഒരു ഫ്ലാറ്റ് പോലും ഉണ്ട് അവർക്ക്.
പൊതുവെ, ഞങ്ങൾ… ആംഗ്ലോ ഇന്ത്യൻസ് എല്ലാം കാര്യത്തിലും വളരെ ഫ്രീയാണ്. പ്രത്യേകിച്ച് മദ്യപിക്കുന്ന കാര്യത്തിൽ…
ഞങ്ങൾ സ്ത്രീപുരുഷ ഭേദമന്യേ നന്നായി മദ്യപിക്കുന്നവരാണ് എന്നകാര്യം എല്ലാവർക്കും അറിയാവുന്നതാണ്.