ങേ വെള്ള തുണി പന്തലോ…? മദ്രാസിലും സഖാക്കളോ…?
മ്മ്മ്…?? അതെന്താ അവിടെ സഖാക്കൾ ഉണ്ടാവാൻ പാടില്ലേ..??
മം… ആ സമരം, തുടങ്ങുന്നതിനു ഒരു ദിവസം മുൻപ് തന്നെ വെള്ള തുണി പന്തലിടും…
സമരം തുടങ്ങിയാൽ പിന്നെ വലിയ ബുദ്ധിമുട്ടാ….
ചിലപ്പോൾ സമരം ശക്തമായിരിക്കും അപ്പൊ അങ്ങോട്ട് ആർക്കും അടുക്കാൻ പറ്റില്ല.
ഗെയ്റ്റിന് ഉള്ളിലോട്ടു ആരെയും കടത്തി വിടില്ല. സമരക്കാര് ഗെയ്റ്റിന് മുന്നിൽ തന്നെ ചെങ്കൊടിയും പിടിച്ചിരുന്നാൽ എങ്ങനെയാ അങ്ങോട്ട് ഉള്ളിലേക്ക് ക്ലാസുമുറിയിലേക്ക് കടക്കുന്നെ… അവൾ വീണ്ടും ഗൂഡമായി ചിരിച്ചു.
അതെന്ത് സമരം.. ചെങ്കൊടി, വെള്ള തുണിപന്തൽ, നാലഞ്ചു ദിവസം, അവളുടെ മുഖത്തുള്ള കള്ള ചിരി. !!
എനിക്കൊന്നും മനസ്സിലായില്ല, ഞാൻ കുറെനേരം അതിനെ കുറിച്ച് വളരെ സീരിയസായി ആലോചിച്ചു… !!
ഡി. വൈ. എഫ് ഐ യുടെ താണോ…??
അല്ലാതെ വേറെ ആരാ ഏട്ടാ ചെങ്കൊടി പിടിക്കുന്ന പ്രസ്ഥാനം ഉള്ളത്… അവൾ അലക്ഷ്യമായി നോക്കി ഗൂഢമായി ചിരി തൂകി…
ആ ഇനി ഏതായാലും ഗാന്ധി ജയന്തിയൊക്കെ അല്ലെ വരുന്നത്, അപ്പൊ പിന്നെ സേവന വാരം കൂടി കഴിഞ്ഞിട്ട് ക്ലാസ് തുടങ്ങുകയുള്ളൂ, അതും കഴിഞ്ഞിട്ട് പോകാമെന്നു കരുതി.
അല്ലങ്കിൽ തന്നെ അവിടെത്തെ ഗേറ്റും പരിസരം മൊത്തം കാട് പിടിച്ചു കിടക്കുകയാ…
ഇനി സേവന വാരത്തിനു… കാട് വെട്ടി തെളിയിച്ചു പരിസരം വൃത്തിയാക്കിയ ശേഷം ക്ലാസിൽ പോയാമതിയെന്ന്, ഞാൻ തീരുമാനിച്ചു.
എന്നെ മണ്ടനാക്കിയത് പോലെ അവൾ വീണ്ടും ചിരിച്ചു…
ഞാൻ പിന്നെയും പിന്നെയും ആഴത്തിൽ ചിന്തിച്ചു…