ഇടക്ക് ഞാൻ അവളെയും, അവളെന്നേയും ഇടം കണ്ണിട്ടു നോക്കികൊണ്ടിരുന്നു എന്നല്ലാതെ ആരും ഒന്നും സംസാരിക്കുന്നില്ല.
ആ നിശബ്ദതയെ ഭേദിച്ചു കൊണ്ടു ഞാൻ തന്നെ സംസാരിച്ചു തുടങ്ങി.
റേച്ചൂ… നിനക്ക് എത്ര ദിവസത്തെ അവധിയുണ്ട്…?
അത് ഏട്ടാ… എത്ര ദിവസമെന്ന് പറയാൻ വയ്യ, കോളേജിൽ സ്ട്രൈക്ക് ആണ് അത് കൊണ്ട് ഞാൻ ഇങ്ങു പോന്നു.
ആണോ… എപ്പോ മുതൽ..?
മൂന്നാല് ദിവസമായി, തുടങ്ങീട്ട്… ഒരു രണ്ടുമൂന്ന് ദിവസത്തിനുള്ളിൽ തന്നെ തീരുമെന്നാണ് തോന്നുന്നത്.
ഏതായാലും അവധിയല്ലേ… ഞാൻ ഇങ്ങ് പോന്നു…
പിന്നെ ഏട്ടൻ നാട്ടിൽ വന്ന സ്ഥിതിക്ക് ഒന്ന് കാണാമല്ലോ എന്നോർത്തു.. അവൾ ഒരു കള്ളച്ചിരിയിൽ ഒതുക്കി കൊണ്ടു അങ്ങനെ പറഞ്ഞപ്പോൾ ഞാനും സംശയിച്ചു അവളുടെ മുഖത്തു നോക്കി.
തല കുമ്പിട്ട് കൊണ്ട് റീത്തമമ്മ കാണാതെ അവൾ എന്നെ ഇടങ്കണ്ണിട്ടു നോക്കി ചിരിച്ചു.
മമ്മ വീണ്ടും കഞ്ഞിയെടുക്കാൻ അടുക്കളയിൽ പോയ തക്കം നോക്കി, ഞാൻ അവളോട് ചോദിച്ചു.
അതെന്ത് സമരമാടീ..? ഒരാഴ്ചയായിട്ട്..?
ആ അത് അങ്ങനെത്തെ ഒരു തരം സമരമാണ്… ചിരിയടക്കി കൊണ്ട്, സ്വരം താഴ്ത്തി അവൾ മൊഴിഞ്ഞു.
ആ ചിരിയിൽ എന്തോ പന്തിയില്ലായ്മ എനിക്ക് തോന്നി, ഞാൻ വീണ്ടും ചോദിച്ചു.
അത് ചിലപ്പോൾ മൂന്നാലു ദിവസം കൊണ്ടു തീരാറുണ്ട്, പക്ഷെ ചിലപ്പോൾ അത് അഞ്ചാറു ദിവസം നീണ്ടു നിൽക്കും അത്ര തന്നെ….
സമരം സഖാക്കളുടെതാണ്, അതാണ് പ്രശ്നം.. മൊത്തം ചെങ്കൊടിയാണ്, വെള്ള തുണിപ്പന്തൽ കെട്ടിയിട്ടാണ് സമരം. …