“‘ മാനംപോയി ബാബുവേട്ടാ .. ഒരു പീറ പെണ്ണ് കാരണം മാനം പോയി “‘ തടിയൻ ബിനീഷ് ശബ്ദത്തിൽ ദുഃഖം കലർത്തി .
“‘ ങേ ..നിങ്ങടെയോ ? നിങ്ങടെ മാനം കളയാൻ ആരാ അതപ്പാ അങ്ങനെയൊരു പെണ്ണ് ? അടികിട്ടിയോടാ മക്കളെ ?”‘ ബാബു എല്ലാവരെയും മാറി മാറി നോക്കി.
” അടികിട്ടിയാലും വേണ്ടില്ലായിരുന്നു … കോളേജിൽ ഞങ്ങക്കുണ്ടായിരുന്ന പേരൊക്കെ കളഞ്ഞു കുളിച്ചു അവളൊരുത്തി കാരണം…. പട്ടിച്ചി “‘ ബിനീഷ് കൗണ്ടറിൽ ആഞ്ഞിടിച്ചു . ക്യൂബിൽ ഉണ്ടായിരുന്നവർ തലപൊക്കി നോക്കാൻ തുടങ്ങി .
” ഡാ മയിരേ മര്യാദക്കിരിക്കട “‘ അരുൺ ബിനീഷിന്റെ കൈ പിടിച്ചു .
“” പോടാ നാറി … അവളെ ..അവളേ വലിച്ചുകീറി ഒട്ടിച്ചു ഭിത്തിയിലാക്കിയാലേ എന്റെ വിഷമം തീരൂ “‘
തടിയൻ ഒഴിച്ച് വെള്ളമൊഴിച്ചോ എന്ന് പോലും നോക്കാതെ ഒറ്റ വലിക്ക് കുടിച്ചിട്ട് തല കുടഞ്ഞു .
“‘ എന്തൊരു കുടിയാ ചേട്ടാ … കൂമ്പു വാടിപോകും ..ബാബുവേട്ടാ ഒരു തണുത്ത കോള കൊടുക്ക് എന്റെ പറ്റിൽ “‘
പുറകിൽ നിന്നൊരു കിളിനാദം കേട്ടപ്പോൾ എല്ലാവരും ചെയറിൽ നിന്നെഴുന്നേറ്റു തിരിഞ്ഞു .
കാണുന്നത് വിശ്വസിക്കാനാവാതെ തടിയൻ ബിനീഷ് വീണ്ടും വീണ്ടും തല കുടഞ്ഞു നോക്കി
“‘ രുഗ്മിണി “” കൈത്തണ്ടയിൽ നുള്ളിക്കൊണ്ട് അവൻ പിറുപിറുത്തു .
മറ്റുള്ളവരും വാ പൊളിച്ച പടി നിൽക്കുവാണ് .
“‘ വൈറ്റ് മിസ്ചീഫ് “‘ രുഗ്മിണി ബോട്ടിൽ കയ്യിലെടുത്തുനോക്കിയിട്ട് തുടർന്നു . “” തണുത്ത ഫാന്റയാ ഇതിന് സൂപ്പർ ..ബാബുവേട്ടാ ഒരു വലിയ ഫാന്റ കൊടുക്ക് ചേട്ടന്മാർക്ക് .. ഇന്നെന്റെ ചിലവാകട്ടെ “”
“‘ ആയിക്കോട്ടെ മോളെ ..നീയിവരുടെ കോളജിലാണോ രുക്കൂ പഠിക്കുന്നെ ? “‘
“‘ അതെ ബാബുവേട്ടാ “”
“‘ ആഹാ … ഏതോ ഒരു പെങ്കൊച്ച് കാരണം ഇവരുടെ മാനം പോയെന്നും പറഞ്ഞാ ഇന്ന് വെളളമടി … സാധാരണ ബിയറാരുന്നു . എന്നതാടാ മക്കളെ ആ കൊച്ചിന്റെ പേര് ?”” ഫാന്റ എടുത്തുവെച്ച് ബാബു മനോജിനെയും കൂട്ടരെയും നോക്കി . തടിയൻ ബിനീഷ് കണ്ണിറുക്കിയും തുറിച്ചു കാണിച്ചും അയാളെ തടയാൻ നോക്കി .
“‘ അതേതാ ആ പെങ്കൊച്ച് … ചേട്ടന്മാരുടെ മാനം കെടുത്താൻ …. എന്നാൽ ബാബുവേട്ടാ നല്ല കാടമുട്ട റോസ്റ്റും കൂടെ കൊടുത്തേക്ക് എന്റെ പറ്റില് ..ക്ഷീണം പോട്ടെ …ങാ പിന്നെ ജമാലിക്ക എന്റെ സ്കൂട്ടറിന്റെ കീ വല്ലോം തന്നോ ഇവിടെ . പുള്ളീടെ ബുള്ളറ്റ് എന്റെ കയ്യിലാ “