Posted by “അഖിലേട്ടാ എനിക്ക് ഒരു കാര്യം പറയാൻ ഉണ്ട് “
അവൾ കാറിൽ ഇരുന്നു കൊണ്ട് പറഞ്ഞു,
“ഉം . പറഞ്ഞോളു “
“ആദ്യം കണ്ണ് അടക്ക് “
“അതെന്തിനാ? “
“ഒന്നു അടക്ക് എന്റെ മാഷേ “
അവൾ കള്ളചിരിയൽ പറഞ്ഞു.
“ഉം, കണ്ണ് അടച്ചു “
അതും പറഞ്ഞു ഞാൻ അവളുടെ നേരെ കണ്ണ് അടച്ചു പിടിച്ചു ഇരുന്നു.
“ഇനി കൈ നീട്ടിയെ “
“ഉം “
ഞാൻ വലതു കൈ നീട്ടി.
എന്റെ കൈയിൽ ചെറിയ ബോക്സ്‌ പോലത്തെ സാധനം വെച്ചമാതിരി ഫീൽ ചെയ്തു.
“ഇനി കണ്ണ് തുറന്നോ “
ഞാൻ കണ്ണ് തുറന്നു എന്താണെന്നു കൈയിൽ നോക്കി .
“ഹാപ്പി ബർത്ത്ഡേ ട്ടു യു “
നെസി ചിരിച്ചു കൊണ്ട് പറഞ്ഞു.
“ഓഹ് ഇന്നാണോ ആ ദിവസം “
“ഉം , അതെ നാലു വർഷം കൂടുമ്പോൾ അല്ലെ ഈ ദിനം ഉണ്ടാകുക ഒള്ളു അതുകൊണ്ട് എന്റെ വക ഒരു സമ്മാനം “
“താങ്ക്സ് നെസി , “
“ഉം, അതെന്താണെന്നു തുറന്നു നോക്കു “
സമ്മാനപൊതി കൈയിൽ പിടിച്ചു ഇരിക്കുന്ന എന്നോട് നെസി ചെറു ചിരിയാൽ പറഞ്ഞു.
ഞാൻ പതിയെ ആ കവർ പൊളിച്ചു ആ ബോക്സ്‌ കണ്ടപ്പോൾ മനസ്സിൽ ആയി അതൊരു വാച്ച് ആണെന്ന് . ഞാൻ പിന്നെ ആ ബോക്സ്‌ തുറന്നു ഗോൾഡൻ കളറിൽ സിൽവർ മിക്സ്‌ ആയാ ആ മനോഹരമായ വാച്ച് പുറത്തു എടുത്തു.