ഏജന്റ് വിനോദ് – 3 Crime Thriller (തേക്ക് മരം)

“പ്രിയ… നിനക്ക് ഞാനൊരു ഉപദേശം തരാം ഫ്രീ ആയി…. ഒരുക്കലും വീണു കിടക്കുന്ന ഒരാളുടെ അരികിൽ ചെന്നു ഇരിക്കരുത് ,ആദ്യം അവൻ മരിച്ചെന്നു ഉറപ്പാക്കുക എന്നിട്ട് മാത്രം അവന്റെ അരികിൽ പോയി ഇരിക്കുക ” വിനോദ് പുഞ്ചിരിച്ചു , പ്രിയ തല താഴ്ത്തി
” ഇനി പറ …എന്തിനാ എന്നെ ചതിച്ചു കൊല്ലാൻ നോക്കിയത് നീ ” വിനോദ് അവളുടെ കണ്ണിൽ നോക്കി ചോദിച്ചു .
അവളുടെ കണ്ണിൽ ഒരു തെല്ലും പശ്ചാത്താപമോ വിഷമമോ ഉണ്ടായിരുന്നില്ല ,പകരം അവനെ കൊല്ലാൻ കഴിഞ്ഞില്ലല്ലോ എന്ന വിഷമം മാത്രം .
അവൾ വിനോദിനെ നോക്കി പുച്ഛത്തോടെ ഒന്ന് ചിരിച്ചു .
വിനോദ് തോക്ക് അവളുടെ നെറ്റിയിൽ ഒന്ന് കൂടെ അമർത്തി .
” പറയാൻ , എന്തിനാ എന്നെ കൊല്ലാൻ നോക്കിയത്??? ആര് പറഞ്ഞിട്ടാ നീ എന്നെ ചതിച്ചതു ??? ” വിനോദ് അലറി
” രാജ്യ ദ്രോഹികളെ കൊല്ലുന്നതു എന്റെ കടമ ആയതു കൊണ്ടാണ് നിന്നെ ഞാൻ കൊല്ലാൻ നോക്കിയത്, പക്ഷെ എനിക്ക് അതിനു കഴിഞ്ഞില്ല…നീ എന്നെ കൊന്നാലും എനിക്കൊരു ചുക്കുമില്ല ” പ്രിയ ശബ്ദം കനപ്പിച്ചു പറഞ്ഞു .
വിനോദിന് ഒന്നും മനസ്സിലായില്ല , എങ്കിലും അവളുടെ കണ്ണിൽ നിന്നും അവൾ പറയുന്നത് സത്യമാണെന്നു അവനു മനസ്സിലായി .
” രാജ്യ ദ്രോഹിയോ !!! ഞാനോ , നിന്നോട് ആര് പറഞ്ഞു ഇത് ”
വിനോദ് ചോദിച്ചു ….”നീ ഒരു ഏജന്റ് അല്ലെ , ഒരു മിഷൻ ഏറ്റെടുക്കുന്നതിന് മുൻപ് മാഡത്തിന്റെ അനുവാദം വാങ്ങണം എന്ന് അറിയില്ലേ … ഞാൻ രാജ്യദ്രോഹി ആണെന്ന് ആരെങ്കിലും പറഞ്ഞാൽ അത് വിശ്വസിച്ചു എന്നെ കൊല്ലാൻ വരികയാണോ ചെയ്യുക …മാടത്തിനോടു ഒരു വട്ടം എങ്കിലും അത് ഡിസ്‌കസ് ചെയ്യണ്ടേ ??? ” വിനോദ് അവളോട്‌ ചോദിച്ചു ,ഇത്തവണ ശബ്ദം അവൻ നേർപ്പിച്ചിരുന്നു .