അഭിയുടെ കരച്ചിൽ വീണ്ടും.. ” ക്ഷമിക്കണം ഏട്ടാ .. ഞാൻ ഏട്ടനോട് പറയാത്ത ഒരു കാര്യം ഉണ്ട്. എനിക്ക് വിവാഹത്തിന് മുൻപ് കുറച്ചു അനുഭവങ്ങൾ ഒക്കെ ഉണ്ടായിരുന്നു.. “
വീണ്ടും നിശബ്ദത
” മോളെ നീ എന്നെകൊണ്ട് നിന്നെ വെറുപ്പിക്കാൻ പറയുന്നതല്ലേ ..”
“അല്ല ഏട്ടാ ” അഭിയുടെ കരച്ചിലോടെ ഉള്ള ശബ്ദം.
” ആരാണവൻ. നിനക്ക് അവനെ ഇഷ്ടമാണെങ്കിൽ നിങ്ങളെ ഞാൻ ഒരുമിപ്പിക്കും… “
” അവൻ അല്ല ഏട്ടാ.. അവൾ എന്റെ കൂട്ടുകാരിയാണ്. കോളേജിൽ ഞങ്ങൾ ഒരുമിച്ചായിരുന്നു ഒരേ ഹോസ്റ്റൽ മുറിയിൽ.. അങ്ങനെയൊക്കെ സംഭവിച്ചു പോയി ഏട്ടാ ..”
” സാരമില്ല മോളെ.. അതൊക്കെ സാധാരണയല്ലേ.. നിന്റെ ഈ കൂട്ടുകാരി ഇപ്പൊ എവിടെ ഉണ്ട്.. “
” ഞാൻ അവസാനമായിട്ട് നമ്മുടെ കല്യാണത്തിനാണ് കണ്ടത് ഏട്ടാ.. അതിനു ശേഷം അവളുടെ ഒരു വിവരവും ഇല്ല. ഞാൻ കുറെ ശ്രമിച്ചു നോക്കി.. ഞാൻ എല്ലാ രഹസ്യങ്ങളും തുറന്നു പറഞ്ഞിരുന്ന ഒരേ ഒരു ഫ്രണ്ട് അവൾ മാത്രമായിരുന്നു.. കല്യാണത്തിന് ശേഷം എനിക്കവളെയും നഷ്ടപ്പെട്ടു.. “
” സോറി മോളെ .. അവൾ എവിടെയുണ്ടെങ്കിലും നമുക്ക് അന്വേഷിക്കാം .. “
” വേണ്ട ഏട്ടാ .. അവൾക്ക് എന്നെ കോണ്ടാക്ട് ചെയ്യാൻ എന്തൊക്കെ വഴികളുണ്ട്. അവൾ എപ്പോഴെങ്കിലും എന്നെ വിളിക്കും.. പക്ഷെ ഏട്ടനോട് ഞാനിതൊക്കെ നേരത്തെ പറയേണ്ടതായിരുന്നു.”