Posted by ഇങ്ങനെ പലതും സഹിക്കേണ്ടി വരും. എതിർക്കാൻ നിന്നാൽ പറ്റുന്ന പോലൊക്കെ ഉപദ്രവമായിരിക്കും ,ശരീരം വിറ്റാണെങ്കിലും രണ്ടു കുഞ്ഞുങ്ങളെ പോറ്റാനുള്ളതാണ് .അവൻ പിടിച്ചിടത്തൊക്കെ എന്തൊരു വേദനയാണ് , ഒടുക്കത്തെ പിടിത്തമാണ് ,രണ്ടു ദിവസം നാല് പേരാണ് കേറി നിരങ്ങിയത് ,ശരീരം മൊത്തം ക്ഷീണവും വേദനയുമാണ് അതിന്റെ കൂടെയാണ് നായിന്റെ മോന്റെ പിടിത്തം .
.”അമ്മെ പൊട്ടു വാങ്ങിയോമ്മേ” ?
, ”അത് പിന്നെ അമ്മ മറക്കുമോ ,മോള് പറഞ്ഞ പൊട്ടും ,പിന്നെ ദേ നോക്കിക്കേ…
പൊട്ടിന്റെ കൂടിനൊപ്പം രമണി മറ്റൊരു പാക്കറ്റ് കൂടി പുറത്തെടുത്തു മോളുടെ കണ്ണുകളിൽ ആകാംക്ഷയുടെ തിളക്കം
. ”ഹായ് മാല ”,ആ പതിമൂന്നു കാരിയുടെ കണ്ണുകൾ വിടർന്നു
”ചേട്ടാ നോക്കിയേ ,എവിടന്നമ്മേ വാങ്ങിയേ…മോളുടെ സന്തോഷത്തിനതിരില്ലായിരുന്നു ,കുറെ നാളായി അവളുടെ കൂട്ടുകാരിയിട്ട പുതിയ ഫാഷനിലെ മുത്ത്മാലയെ കുറിച്ച് പറയുന്നു . ടൗണിൽ നിന്ന് ബസ് കാത്തു നിക്കുമ്പോഴാണ് കോംപ്ലക്സിലെ പുതിയ ഫാൻസി കടയിൽ തൂക്കിയിട്ട മുത്ത് മാലകൾ കണ്ടത്. കയറി നോക്കുമ്പോൾ മോള് പറഞ്ഞ മോഡലും അതിലുണ്ട് . രൂപ നൂറ്റിയമ്പത് ,അന്നേരം വലിയ വിലയായി തോന്നിയെങ്കിലും ഇപ്പോ മോളുടെ സന്തോഷം കാണുമ്പോ നൂറ്റമ്പതല്ല ആയിരത്തഞ്ഞൂറു കൊടുത്താലും നഷ്ട്ടമില്ലെന്നു തോന്നി തന്റെ ജീവിതത്തിൽ ഇപ്പോൾ ഏറ്റവും വിലയുള്ളത് മക്കളുടെ ഉള്ളു നിറഞ്ഞുള്ള ഈ ചിരിക്കാണ് .
ശരീരത്തിന്റെ മാത്രമല്ല മനസ്സിന്റെ വേദനകളും ഈ പത്തു വയസുകാരിയുടെ സന്തോഷത്തിൽ അലിഞ്ഞു ഇല്ലാതാകുന്നു.
”മോനു നീയെന്തേ മാറി നിൽക്കുന്നെ ,ദേ മോൻ പറഞ്ഞ ബാഗ് അമ്മ മേടിച്ചോട്ടുണ്ട്”
,മോളുടെ കയ്യിൽ നിന്നൊരു ഉമ്മ ചോദിച്ചു വാങ്ങിയ ശേഷം നോക്കുമ്പോഴാണ് ഇരുട്ടത്ത് മാറി നിൽക്കുന്ന മോനെ കണ്ടത്. കുറച്ചു ദിവസം മുൻപ് വരെ ഇവനിങ്ങനെയായിരുന്നില്ല , മോളേക്കാൾ മുന്നേ ഓടിയെത്തുക മോനുവായിരുന്നു .പക്ഷെ കുറച്ചു ദിവസം മുന്പത്തെ ആ സംഭവത്തിനു ശേഷം അവനിലാകെയൊരു മാറ്റമാണ് … പ്ലസ് ടു വിന്റെ ക്ലാസ് തുടങ്ങിയ മുതൽക്കു പഴകി കീറിയ ബാഗ് കാണിച്ചു ഒരു പുതിയതിനു അവൻ ആവശ്യപ്പെട്ടിരുന്നതാണ്. വാസു ചേട്ടന്റെ മരുന്നും മക്കളുടെ യൂണിഫോമും എല്ലാം കൂടിയായപ്പോൾ പാക്കരേട്ടന്റെ അടുത്ത് നല്ല കടമായി കഴിഞ്ഞിരുന്നു .അത് കൊണ്ട് പിന്നെയാട്ടെ മോനെ എന്ന് പറഞ്ഞു നിറുത്തിയിരിക്കുകയായിരുന്നു . ഇത്തവണത്തെ പാർട്ടി