“ആഹ്.. രമയാന്‍റിയോ .. ആന്‍റിയാണോ ഇവന്‍റെ ടീച്ചര്‍.. എന്നിട്ടാണോ ഇവനിത്ര മാര്‍ക്ക്‌ കുറവ്..” ടീച്ചറെ കണ്ടതും കുഞ്ഞ ഓടി അടുത്ത് ചെന്നു ചോദിച്ചു..
ഈശ്വരാ തകര്‍ന്നു.. കുഞ്ഞക്കു ടീച്ചറെ നേരത്തെ അറിയാം എന്ന് തോന്നുന്നു.. ആന്‍റി എന്നാ വിളിച്ചത്..
“ആഹാ ഇതാരാ.. ഈ വികൃതി നിന്‍റെ ചേച്ചിയുടെ മോനാണോ.. ഈശ്വരാ ഞാന്‍ അറിഞ്ഞില്ലല്ലോ..” ടീച്ചര്‍ കുഞ്ഞയോടു പറഞ്ഞു..
“മനുക്കുട്ടാ ഇങ്ങടുത്തു വാ..” എല്ലാം തകര്‍ന്നു.. ദേ കുഞ്ഞ അങ്ങോട്ട്‌ വിളിക്കുന്നു.. ഞാന്‍ മടിച്ചു മടിച്ചു അങ്ങോട്ട്‌ ചെന്നു..
“മനുക്കുട്ടാ ഇതു നിന്‍റെ കൊച്ചച്ചന്‍റെ മാമിയാ.. രമയാന്‍റി.. ഇനി നിന്‍റെ പഠിപ്പൊക്കെ ആന്‍റി നോക്കിക്കൊള്ളും..” എല്ലാം കൈവിട്ട പോലെ..
“ഇവന്‍ എന്താ ഈയിടെ ഒരു ശ്രദ്ധയും ഇല്ലാതെ? രണ്ടു മൂന്നു ദിവസം ആയി ഞാന്‍ ശ്രെദ്ധിക്കുന്നു.. എന്തോ മിണ്ടാട്ടം ഇല്ലാത്ത പോലെയാ..” ടീച്ചര്‍ കുഞ്ഞയോടു തിരക്കി..
“അത് പിന്നെ ആന്‍റി.. ” കുഞ്ഞ നിര്‍ത്തി തിരിഞ്ഞു എന്നെ നോക്കി..
“കുട്ടന്‍ ക്ലാസ്സില്‍ പൊയ്ക്കോളൂ കുഞ്ഞ ടീച്ചറോട് ഒന്നു പറഞ്ഞിട്ടു പോയേക്കാം..” കുഞ്ഞ പറഞ്ഞു..
എനിക്കാകെ പേടിയായി.. വെളുക്കാന്‍ തേച്ചത് പാണ്ടാവുമോ.. കുഞ്ഞ ടീച്ചറോടു എന്തേലും പറയുമോ.. ഞാന്‍ മെല്ലെ ക്ലാസ്സിലേക്ക് നടന്നു..
ഉച്ച കഴിഞ്ഞു ക്ലാസ്സില്‍ രമ ടീച്ചര്‍ വന്നു.. വന്ന പാടെ എന്‍റെ അടുത്തേക്ക് വന്നു..
“കുട്ടാ.. വേറെ കാര്യങ്ങള്‍ ഒന്നും ഓര്‍ത്തു പഠിക്കുന്ന സമയം കളയരുത് കേട്ടോ..” അല്‍പം സ്നേഹം ആ വാക്കുകളില്‍..? കുട്ടാ എന്ന് വിളിക്കുന്നൂ.. എനിക്കു എന്തോ പന്തികേടു തോന്നി..
ക്ലാസ്സ്‌ കഴിഞ്ഞു പോവും മുന്‍പേ ടീച്ചര്‍ എന്‍റെ അടുത്തേക്ക് പിന്നെയും വന്നു.. പക്ഷെ നോട്ടം എന്‍റെ കൂട്ടുകാരുടെ നേരെ ആയിരുന്നു..
“ദേ, എല്ലാവരോടും ആയി പറയുകയാ.. അതുമിതും പറഞ്ഞു മറ്റുള്ള കുട്ടികളെ കളിയാക്കുകയോ മറ്റോ ചെയ്താല്‍ ഉണ്ടല്ലോ, വെച്ചേക്കില്ല ഒന്നിനെയും സ്കൂളില്‍.. ഓര്‍ത്തോ..”
എന്റീശ്വരാ.. ടീച്ചറുടെ സ്വഭാവവും ദേഷ്യവും എല്ലാര്ക്കും അറിയാവുന്ന കൊണ്ടു എല്ലാരും കുനിഞ്ഞു ഇരുന്നതെ ഉള്ളൂ.. പൊതുവേ പറഞ്ഞ ഒരു കര്യമായെ എല്ലാരും അതിനെ കരുതിയുള്ളൂ..
പക്ഷെ എനിക്കു കാര്യം പിടികിട്ടി.. ദൈവമേ.. കുഞ്ഞ എന്നെ പിള്ളേര്‍ കളിയാക്കുന്ന കാര്യം ടീച്ചറോടു പറഞ്ഞു.. എനിക്കു തല ചുറ്റും പോലെ തോന്നി..
ഈശ്വരാ ഇനി എന്ത് ചെയ്യും..
“കുട്ടന്‍ ഒന്നിങ്ങു വന്നെ..” ദേ എന്നെ വിളിക്കുന്നു.. ഞാന്‍ പേടിച്ചു പേടിച്ചു അടുത്തേക്ക് ചെന്നു..
“ആരും പറയുന്നത് ഒന്നും ശ്രദ്ധിക്കണ്ട.. മോന്‍ പഠിത്തത്തില്‍ മാത്രം ശ്രദ്ധിച്ചാല്‍ മതി.. ഞായറാഴ്ചകളില്‍ നിനക്ക് കുറച്ചു ഫിസിക്സ്‌ പോഷന്‍സ് കവര്‍ ചെയ്യാന്‍ വീട്ടിലേക്കു അയക്കാന്‍ ഞാന്‍ നിന്‍റെ കുഞ്ഞയോട് പറഞ്ഞിട്ടുണ്ട്.. മം.. പോയിരുന്നോ..” ടീച്ചര്‍ എന്നെ നോക്കി മന്ദഹസിച്ചു.. ഞാന്‍ ഇന്നേ വരെ ടീച്ചര്‍ പുഞ്ചിരിച്ചു കണ്ടിട്ടില്ല.. എങ്കിലും എനിക്കു തല കറങ്ങുന്ന പോലെ തോന്നി..
വൈകീട്ട് വീട്ടിലേക്കു പോവുമ്പോ എന്‍റെ തല മുഴുവന്‍ ഇനി എങ്ങിനെ ടീച്ചറുടെ മുഖത്ത് നോക്കും എന്ന പേടിയായിരുന്നു..
തിരികെ വീട്ടില്‍ എത്തിയ ശേഷവും എന്‍റെ അസ്വസ്ഥത മാറിയിരുന്നില്ല.. കുഞ്ഞക്കു അത് പെട്ടെന്നു മനസ്സിലാവുകയും ചെയ്തു..
“കുട്ടാ, രമയാന്‍റി പാവമാ.. എളുപ്പം ദേഷ്യം വരും എന്നെ ഉള്ളൂ. എല്ലാരോടും ചൂടാണെങ്കിലും നിന്നോടു വെല്യ കാര്യമാ.. അത് കൊണ്ടു തന്നെയാ ഞാന്‍ പിള്ളേര്‍ നിന്നെ കളിയാക്കുന്ന കാര്യം ആന്‍റിയോട് പറഞ്ഞത്.. ഇനി നിന്നെ ആരും ഒന്നും പറയില്ല.. കുട്ടന്‍ വിഷമിക്കണ്ട..”
എനിക്കെന്തു പറയണം എന്ന് ഒരു എത്തും പിടിയും കിട്ടിയില്ല..
“മം.. ” ഞാന്‍ വെറുതെ ഒന്നു മൂളിയിട്ട് എന്‍റെ റൂമിലേക്ക്‌ നടന്നു..
എന്‍റെ മനസ്സില്‍ ഇനി എങ്ങിനെ ടീച്ചറുടെ മുഖത്തു നോക്കും എന്നായിരുന്നു ആലോചന.. ഞായറാഴ്ച അങ്ങോട്ട്‌ പോവുകയും വേണം.. ഞാന്‍ ആകെ വല്ലാത്ത ഒരു അവസ്ഥയില്‍ ആയി..
ഞാന്‍ ബാത്രൂമിലെക്ക് കയറി ചെറുതായി ഒന്നു കുളിച്ചു.. ക്ഷീണം ഒന്നു മാറട്ടെ.. ടവലും ചുറ്റി തിരികെ കട്ടിലില്‍ വന്നു കിടന്നു.. ആകെ ഒരു വല്ലായ്മ..
ഒന്നു മയങ്ങി എന്ന് തോന്നുന്നു.. നെറ്റിയില്‍ എന്തോ ഒരു ചൂട് തട്ടുന്നത് പോലെ.. കണ്ണ് തുറന്നു നോക്കുമ്പോ, കുഞ്ഞ അടുത്ത് വന്നിരിക്കുന്നു..
“ഒത്തിരി നേരായോ കുഞ്ഞ വന്നിട്ട്..” ഞാന്‍ അല്‍പം മേലേക്ക് ചരിഞ്ഞു കുഞ്ഞയുടെ മടിയില്‍ തല വെച്ച് കിടന്നു..
“ഇല്ലടാ കണ്ണാ, കുറച്ചു നേരെ ആയുള്ളൂ..” ആ വിരലുകള്‍ മെല്ലെ എന്‍റെ മുടിയിഴകളില്‍ ഓടി നടന്നു..
Laalana Part 2 kambikadha
Posted by