Posted by
“എന്റെ പെണ്ണിന്റെ ദേഹത്ത് കൈവെക്കാൻ നിനക്ക് ധൈര്യമായോടാ?”
എബി നെൽസന്റെ മുഖത്ത് ആഞ്ഞടിച്ചു. ചോര തെറിച്ചു സ്റ്റേജിലെ പൂക്കളിൽ വീണു. നെൽസൺ തിരിച്ചു തല്ലാൻ ശ്രമിച്ചെങ്കിലും എബിയുടെ ഡിഫൻസ് തകർക്കാൻ അവന് കഴിഞ്ഞില്ല. എബി അവന്റെ മുടിക്ക് കുത്തിപ്പിടിച്ച് സ്റ്റേജിലെ ആ വലിയ കേക്കിന് മുകളിലേക്ക് ആഞ്ഞു തള്ളി. മയൂരി തന്റെ മകൻ തല്ലു കൊള്ളുന്നത് കണ്ട് അലറി വിളിച്ചു.
“നെൽസൺ! അവനെ തീർക്കടാ!”
സന്ദീപും ഇഷാനും നെൽസനെ സഹായിക്കാൻ സ്റ്റേജിലേക്ക് കയറി. പക്ഷേ അപ്പോഴേക്കും താഴെ നിന്ന് സണ്ണിയും ഉണ്ണിയും ടിറ്റോയും അവർക്ക് നേരെ പാഞ്ഞു. സണ്ണി സന്ദീപിന്റെ കഴുത്തിന് പിടിച്ച് താഴേക്ക് വലിച്ചിട്ടു. “പഴയ കണക്കുകൾ തീർക്കാൻ സമയമായിടാ!” സണ്ണിയുടെ ഓരോ ഇടിയും വർഷങ്ങളായി താൻ വക്കീലിന്റെയും ഇവരുടെയും ചാരനായി നിന്നതിന്റെ പക തീർക്കുന്നതായിരുന്നു.
ഹാളിന്റെ മറുവശത്ത് രാജ്മോഹൻ രക്ഷപ്പെടാൻ നോക്കിയെങ്കിലും ഹാരിസ് സാർ അയാളുടെ വഴി തടഞ്ഞു. “രാജ്മോഹൻ… നിയമം നിനക്ക് മുന്നിലുണ്ട്. നിന്റെ ഈ ഗുണ്ടാവിളയാട്ടം ഇവിടെ തീരും.”
സ്റ്റേജിൽ എബി നെൽസനെ വരിഞ്ഞു മുറുക്കി. നിഖിൽ ഇതിനിടയിൽ പതുക്കെ മുങ്ങാൻ നോക്കിയെങ്കിലും വർഷ തന്നെ അവന്റെ വഴി തടഞ്ഞു. അവൾ അടുത്തുണ്ടായിരുന്ന ഒരു വലിയ നിലവിളക്ക് എടുത്ത് നിഖിലിന്റെ തലയ്ക്ക് അടിച്ചു. “ചതിയൻ!” വർഷയുടെ ആ കണ്ണുകളിൽ കണ്ടത് എബിയുടെ അതേ തീപ്പൊരിയായിരുന്നു.
എബി നെൽസനെ സ്റ്റേജിൽ നിന്ന് താഴേക്ക് വലിച്ചെറിഞ്ഞു. എന്നിട്ട് മയൂരിയുടെ അടുത്തേക്ക് നടന്നു ചെന്നു.