Posted by “ഊപ്സ്…… ഇതിലും ഭയങ്കര സുന്ദരി ആണല്ലൊ , എന്തിട്ടാലും ഒരു രക്ഷയുമില്ലാട്ട”
” പോടാ അവിടുന്ന് എന്താ ഇതും ഇല്ലാണ്ടാക്കാൻ പ്ലാനുണ്ടോ., ”
” അത് നല്ലൊര് ഐഡിയ ആണ് പക്ഷെ വന്നിട്ട് നോക്കാം… ഇപ്പൊ എനിക്ക് കുഞ്ഞിനെ കണാൻ പോണം”
” അതെന്താ കുഞ്ഞെന്ന് പറയുമ്പോ , നിനക്കിത്ര സന്തോഷം ”
” എനിക്ക് കുഞ്ഞിങ്ങളെ അത്രയ്ക്കിഷ്ടമാണ് അതുകൊണ്ട്”
“അപ്പൊ സ്വന്തമായി ഒരാള് വന്നാലോ ?”
അവനതിനൊന്നും മിണ്ടിയില്ല അവളെ ഒന്നു നോക്കുക മാത്രമെ ചെയ്തുള്ളു.
അവരുടെ സംസാരം മുടക്കിക്കൊണ്ട് സ്നേഹ റൂമിൽ നിന്നും പുറത്തേക്ക് വന്നു. രണ്ടുപേരും വായിൽ കൈവച്ചുപോയി. അവളൊരു കേരളാ സ്സൈൽ നല്ലൊരു സാരിയുമുടുത്ത് നന്നായി ഒരുങ്ങി അവർക്ക് മുന്നിൽ വന്ന് നിന്നു.
“നീ എവിടെ പോകുവാ , സാരിയൊക്കെ ഉടുത്ത് ”
” ചേച്ചി അല്ലേ പറഞ്ഞത് ദുബായിക്ക് പോകാന്ന്”
“അതിന് കല്ല്യാണത്തിന് പോകാനല്ല നിന്നെ വിളിച്ചത്”
“ആ നാലാണ് കാണട്ടെ ചേച്ചിപ്പെണ്ണെ എൻ്റെ ഈ സൗന്ദര്യം ”
അവൾ ഏറ് കണ്ണിട്ട് ജെയ്സനെ നോക്കി , അവൻ വായും തുറന്നിരിപ്പാണ് , അത് കണ്ട ആര്യ ചിരിച്ചുപായി .
“എന്തായാലും നന്നായിട്ടുണ്ട് ”
“താങ്ക്യൂ താങ്ക്യൂ.”
അവൾ മെല്ലെ നാണത്തോടെ അവനെ നോക്കി , സൂപ്പറായിട്ടുണ്ടെന്ന് അവൻ ആംഗ്യം കാണിച്ചു. പിന്നെ മൂവരും കൂടി ഫ്ലാറ്റ് പൂട്ടി ലിഫ്റ്റിൽ കയറി താഴേക്ക് പോയി. സ്നേഹ കൂടുതലും അവനടുത്ത് നിക്കാൻ ശ്രമിക്കുന്നത് ആര്യ ശ്രദ്ധിച്ചു. അവർ കാറ് കിടക്കുന്നിടത്തോട്ട് നടക്കുന്നതിനിടയിൽ , ആര്യ ചെറുതായി മുണ്ടി നടക്കുന്നത് ശ്രദ്ധിച്ച് സ്നേഹ ആര്യയോട് ചോദിച്ചു.