Posted by
“… നീയൊക്കെകൂടി കൊന്നോടാ എന്റെ മോനെ…” നിരഞ്ജന്റെ അമ്മ കണ്ണീരോടെ ചോദിച്ചു.
“… അടങ്ങ് തള്ളേ. നിന്റെ മോന്റെ ബോധം ഒക്കെ ഇപ്പൊ വരും…” ദേവൻ കൈയിലെ മദ്യം നിരഞ്ജന്റെ ശരീരത്തിലെ മുറുവിലേക്ക് ഒഴിച്ചു. വേദനയിൽ അവന് ചെറുതായി ബോധം വന്നു.
“… ആഹാ അവന് ബോധം വന്നല്ലോ. നീയും നിന്റെ തള്ളയും കൂടി എന്റെ പെങ്ങളോട് ചെയ്തതിന്റെ നൂറിൽ ഒരു അംശം പോലും ആയിട്ടില്ല…” പകയോടെ ദേവൻ പറഞ്ഞു.
“… ഡിവോസിന് ശേഷം ഈ കലാപരിപാടി അവതരിപ്പിക്കാം എന്ന് കരുതിയ ഞാൻ വന്നേ അപ്പൊ ഇവന് ഷോ. ഇപ്പൊ തീർന്നോട നിന്റെ കുന്തളിപ്പ്…” ദേവൻ അട്ടഹസിച്ചു
“… ദേ തള്ളേ ശ്രെദ്ധിച്ചു കേട്ടോണം. ഡിവോഴ്സ് എന്ന് പറഞ്ഞ് കോടതി കേറി ഇറങ്ങാൻ ഒന്നും ഞങ്ങൾക്ക് സമയം ഇല്ല അതുകൊണ്ട് നല്ല പിള്ളയായി പറയുന്നതിന് എല്ലാം കൂടെ നിന്നോണം…”തേജസ് പറഞ്ഞു.
“… അതല്ല എതിര് നിൽക്കാനാണ് ഭാവം എങ്കിൽ. ഇപ്പൊ ഇവന്റെ ശരീരത്തിൽ ബാക്കിയുള്ള ജീവൻ കൂടി ഞങ്ങൾ അങ്ങ് എടുക്കും ഒപ്പം നിങ്ങളുടെ തലക്ക് ഒരു ഗാർഹിക പീഡന കേസും…” അതിൽ അവർ ഒന്ന് ഞെട്ടി.
“…അപ്പൊ എല്ലാം പറഞ്ഞ പോലെ. ആംബുലൻസ് വിളിച്ചിട്ടുണ്ട് അവർ ഇപ്പൊ എത്തും. പിന്നെ മോന് ബോധം തെളിയുമ്പോൾ ഞങ്ങളെ അറിയിക്കണേ അവന് കുറച്ചുകൂടി നല്ലബുദ്ധി പറഞ്ഞു കൊടുക്കാൻ ഉണ്ട്…” നിരഞ്ജന്റെ കെട്ടഴിച്ച് നിലത്തേക്ക് ഇട്ട് ഞങ്ങൾ ആ വീട്ടിൽ നിന്നും ഇറങ്ങി.
നിരഞ്ജന് ബോധം തെളിഞ്ഞപ്പോ പോലീസ് എത്തിയിരുന്നു. ദേവനും തേജസിനും എതിരെ മൊഴി കൊടുക്കാതെ ആക്സിഡന്റ് ആണെന്ന് പറഞ്ഞ് ഒഴിഞ്ഞു. അധികം നൂലമാലകൾ ഇല്ലാത്തതിനാൽ ദേവുവിന് ഡിവോസ് പെട്ടെന്ന് കിട്ടി. ഈ ഇടവേളയിൽ കല്ലു തേജസുമായി നല്ലപോലെ അടുത്തു. തേജസിനും കല്ലുമോൾ എന്ന് പറഞ്ഞാൽ ജീവൻ ആണ്. എല്ലാം നല്ലരീതിയിൽ പോകുമ്പോഴാണ് ഒരു ദിവസം ദേവൻ തേജസിനെ കാണാൻ എത്തുന്നത്.