Posted by
എന്റെ വായിൽ നിന്ന് ഉയർന്ന അതിശയ ശബ്ദം കേട്ട് ഡോക്ടർ തിരിഞ്ഞു…
“എന്താണ് രമേശു ചേട്ടാ..?”
“എന്റെ ഡോക്ടർ… ഇപ്പഴാ എന്റെയാ സംശയം മാറിയത് ഡോക്ടർ ഈ കസേരേൽ ഇരുന്ന് കാണുമ്പോൾ പി. ജി ക്ക് പഠിക്കാൻ ഉള്ള പ്രായം പോലും തോന്നുന്നേയില്ല… അപ്പോൾ എങ്ങനെ സർജൻ ആയീന്നാ ഞാൻ ഈ കാണുമ്പോൾ എല്ലാം ചിന്തിച്ചു കൊണ്ടിരുന്നത്..!!
ഇപ്പൊഴാ ആ സംശയം മാറിയത്….”
“ശോ…. വല്ലാതെ വൃത്തികേടാ അല്ലേ ചേട്ടാ…”
പെട്ടന്ന് മുഖം മങ്ങിയ ഹരിത ഡോക്ടർ തന്റെ സ്വതസിദ്ധമായ ആ പേടിച്ചരണ്ട പതിഞ്ഞ സ്വരത്തിൽ ചോദിച്ചു….
“അയ്യോ മോളേ.. ഞാനങ്ങനൊന്നും ചിന്തിച്ചേയല്ല… പറഞ്ഞത്… ബോഡിഷേമിങ്ങുമല്ല… പ്രസവിച്ച പെൺകൊച്ചുകൾക്ക് അല്ലേ അൽപ്പം വയറൊക്കെ കാണൂ അതാ പെട്ടന്ന് അങ്ങനെ വായീന്ന് വീണത് സോറി…”
അതിന് മറുപടി ഒന്നും പറയാൻ ഡോക്ടർക്ക് സാധിക്കുന്നതിനും മുന്നേ റസിയ കേറി വന്നു..
ഞാൻ മുറിയിൽ നിന്ന് ഇറങ്ങി പോരുകയും ചെയ്തു…
അന്ന് രാത്രി ഒരു എട്ട് മണി ആയി കാണും ടൗണിൽ എന്റെ ഓഫീസ് മുറിയിൽ കിടന്നു ഞാൻ ഡോക്ടർക്ക് ഒരു വാട്സ്ആപ്പ് മെസ്സേജ് വിട്ടു…
“രാത്രിയിൽ വിളിക്കാൻ പറ്റുമോ? പറ്റിയാൽ ഒന്ന് വിളിക്കണേ…”
അയച്ചപ്പോൾ തന്നെ മെസ്സേജ് ഡെലിവറി ആയി അടുത്ത നിമിഷം അത് അവിടെ കാണുകയും ചെയ്തു…
മറുപടി ഒന്നും വന്നില്ല….
എന്റെ ഉത്തരവാദിത്തം കഴിഞ്ഞു..
ഇനി ഇങ്ങോട്ട് വിളിച്ചാൽ ഒരു സോറി പറയാം അല്ലെങ്കിൽ വേണ്ട അത്ര തന്നെ….