Posted by അങ്ങനെ സന്തോഷത്തോടെ കഴിഞ്ഞു പോകുമ്പോഴാണ്. ഇന്നത്തെ ദിവസം.!
“എന്ന നീ ചിഞ്ചുവിന്റെ കൂടെ അവളുടെ പ്രോഗ്രാമിന് അമ്പലത്തിലേക്ക് കൊണ്ടുപോ, ഞാനും കാർത്തുവും കൂടെ കല്യാണത്തിന് പോയി പെട്ടന്ന് അമ്പലത്തിലേക്ക് എത്തിക്കോളാം എന്താ. ”
” ഓഹോ, ആയിക്കോട്ടെ, രണ്ടുപേരും പോയി പെട്ടന്ന് വന്നാൽ മതി, അല്ലെങ്കിൽ ഇവള് വീട് തലകുത്തി മറിക്കും. ”
ഞാൻ അച്ഛനോടും അമ്മയോടും ഒരു ചിരിയോടെ പറഞ്ഞു.
“പോടാ തെണ്ടി” ചിഞ്ചു അതും പറഞ്ഞു ഓടി. ഇല്ലെങ്കിൽ അവളുടെ നടുപ്പുറം ഇന്ന് പിളർത്തും ഞാൻ 😅.
ഞാൻ അവിടെയുള്ള പ്ലാസ്റ്റിക് ഡബ്ബി എടുത്ത് ഒരേറ് കൊടുത്ത് കൃത്യം ഉന്നമായതുകൊണ്ട് അവളുടെ ഏഴയലത്തു വരെ എത്തിയില്ല. അവള് വീണ്ടും കളിയാക്കി ചിരിച്ചു കൊണ്ടിരുന്നു.
“ആഹ്, അതുപിന്നെ നീ പ്രേത്യേകം പറയണണോ കണ്ണാ. ഇവളുടെ പ്രോഗ്രാമിന് മുന്നിൽ തന്നെ ഉണ്ടാകും നീ അല്ലെ ഓരോ ഒഴിവ് പറയുന്നത് അല്ലെ മോളെ ”
“അങ്ങനെ പറഞ്ഞു കൊടുക്ക് അമ്മേ ”
ചിഞ്ചു എനിക്കിട്ട് വീണ്ടും ഒന്ന് താങ്ങി
വേറൊന്നും അല്ല അമ്പലത്തിൽ ഉത്സവം സമാപനം ആണ് ഇന്ന്. ചിഞ്ചുവിന്റെ ക്ലാസിക്കൽ ഡാൻസ് ആയ ഭരതനാട്യം ഉണ്ട് ഉച്ച കഴിഞ്ഞ്. മാത്രമല്ല അച്ഛന്റെ അടുത്ത സുഹൃത്തിന്റെ മോളെ കല്യാണവും ഉണ്ട്.
ചിന്നുവിന്റെ പ്രോഗ്രാം ഉള്ളതു കൊണ്ട് ഞാനും അവളും പോകുന്നില്ല മാത്രമല്ല അവളുടെ പ്രോഗ്രാം തുടങ്ങുന്നതിനു മുമ്പ് നമ്മൾ എല്ലാവരും സ്റ്റേജിന്റെ മുന്നിൽ തന്നെ ഉണ്ടാകണം, അഥവാ ഇല്ലെങ്കിൽ അവള് പേര് പോലെ തന്നെ തനി ദുർഗ്ഗയാകും.