Posted by
“ശെരിയാണ്, ഞാൻ യാത്രയിലാണ്. എന്റെ ഏതെങ്കിലും നല്ല സ്റ്റാഫിനെ ബുക്ക് ചെയ്തു തരട്ടെ..?” ഞാൻ ചോദിച്ചു.
“പറ്റില്ല. ജിനു തന്നെ വേണം. ജിനു ആണെങ്കിൽ മാത്രം മതി എന്നാണ് എന്റെ ഭർത്താവ് സമ്മതിച്ചത്, കൂടാതെ എനിക്കം ജിനു ആണെങ്കിൽ മാത്രം മസാജ് തെറാപ്പി മതി.”
“ഓഹ്, അപ്പൊ വെയിറ്റ് ചെയ്യേണ്ടി വരും മേഡം..!”
“ഓക്കെ, ഞാൻ വെയിറ്റ് ചെയ്യാം മാഷേ, അപ്പൊ ജിനു തിരികെ വന്നിട്ട് എന്നെ വിളിക്കണം, നിർബന്ധമായും വിളിക്കണം. അന്നേരം നമുക്ക് എല്ലാം ക്ലിയറായി സംസാരിക്കാം. ഓക്കെ ബൈ.” അത്രയും പറഞ്ഞിട്ട് അവള് വച്ചൂ.
ഞാൻ മൊബൈൽ കൊണ്ട് ജനാലയിൽ വച്ചിട്ട് തലയിണ ബെഡ്ഡിൽ നേരേയിട്ടു. എന്നിട്ട് ബെഡ്ഡിൽ നിവര്ന്നു കിടന്നിട്ട് കൈകളും കാലുകളും നല്ലോണം നിവർത്തി ഞാൻ ഞെളിഞ്ഞു.
മ്മ്.. ഞെളിഞ്ഞപ്പോ ശരീരത്തിന് നല്ലൊരു ഉണര്വ്വ് കിട്ടി.
എന്റെ ശരീരത്തിന്റെ ഓരോ സൈഡിലായി ഞാൻ ചെരിഞ്ഞു ഞെളിഞ്ഞ് നന്നായി സ്ട്രെച്ച് ചെയ്തിട്ട് തല ഒന്ന് കറക്കി വിട്ടു. അപ്പോഴാണ് വാതില്ക്കല് പുഞ്ചിരിയോടെ നില്ക്കുന്ന ഹോള്ഡ മിസ്സും നിത്യ ടീച്ചറെയും ഞാൻ കണ്ടത്. ഞാൻ വേഗം ബെഡ്ഡിൽ എഴുനേറ്റിരുന്നു. അപ്പൊ അവർ റൂമിൽ കേറി വന്ന് കട്ടിലോട് ചേര്ന്ന് എന്റെ അടുത്തായി നിന്നു.
“ഡാ കുട്ടാ, ഇടക്കൊക്കെ നിന്റെ അനിയത്തി നിന്നെ വിളിക്കുമ്പോഴും, നീ നിന്റെ അനിയത്തിയെ വിളിക്കുന്ന സമയവും നീ ഞങ്ങളില് നിന്ന് ദൂരേക്ക് മാറി നിന്ന് സംസാരിക്കുമ്പോ അത്ര വ്യക്തമാവില്ലെങ്കിലും ഞാൻ കുറച്ചൊക്കെ വൺ സൈഡ് സംഭാഷണം കേട്ടിട്ടുണ്ടായിരുന്നു. അപ്പോഴൊക്കെ നിനക്ക് അവളോടുള്ള വാത്സല്യം കുറച്ചൊക്കെ ഞാൻ മനസ്സിലാക്കിയിട്ടുമുണ്ട്. പക്ഷേ ഇപ്പോഴാണ് നിങ്ങളുടെ ഈ സംഭാഷണത്തിൽ നിന്നും നിങ്ങളുടെ യാഥാര്ത്ഥ സ്നേഹം പൂര്ണമായി എനിക്ക് മനസ്സിലാക്കാൻ കഴിഞ്ഞത്. ശെരിക്കും അസൂയ തോന്നിപ്പോയി.” നിത്യ ടീച്ചർ വിസ്മയത്തോടെ എന്നെത്തന്നെ നോക്കി നിന്നു.