Posted by
ജെസ്സി പറഞ്ഞത് കേട്ട് ഞാൻ പൊട്ടിച്ചിരിച്ചു.
“എന്റെ ജെസ്സി മോളെ, ഇതിന് നീ എന്നെ ഭീഷണിപ്പെടുത്തേണ്ട കാര്യം പോലും ഇല്ലായിരുന്നല്ലോ. വെറുതെ പറഞ്ഞിരുന്നെങ്കിലേ ഞാൻ സമ്മതിക്കില്ലേ. നീ എന്തെങ്കിലും ആവശ്യപ്പെട്ടാൽ ഞാൻ സമ്മതിക്കാതെ ഇരുന്നിട്ടുണ്ടോ.. എന്തായാലും നിന്റെ ഒരു ഭീഷണി വെറുതെയങ്ങ് വേസ്റ്റായി പോയല്ലോ മോളെ. സാരമില്ല, വേറെ എന്തെങ്കിലും കാര്യത്തിൽ എന്നെ ഇതും പറഞ്ഞ് ഭീഷണിപ്പെടുത്തിയാൽ മതി.” ഞാൻ പിന്നെയും ചിരിച്ചു. അതുകേട്ട് ജെസ്സിയും പൊട്ടിച്ചിരിച്ചു.
“എന്റെ അച്ചാച്ച, ഞാൻ വെറുതെ പറഞ്ഞാൽ പോലും അച്ചാച്ചൻ വരുമെന്ന് എനിക്കും അറിയില്ലേ, പക്ഷേ എന്തെങ്കിലുമൊക്കെ കാരണം കിട്ടുമ്പോ അച്ചാച്ചനെ ഭീഷണിപ്പെടുത്താൻ ഒരു രസവ.” ജെസ്സി സ്നേഹത്തോടെ പറഞ്ഞിട്ട് പിന്നെയും ചിരിച്ചു. “അപ്പോ അച്ചാച്ച, ഡേറ്റ് മറന്ന് എന്തെങ്കിലും പ്ലാൻ ചെയ്തിട്ട് ഏതെങ്കിലും കാട്ടില് പോയി കിടന്നേക്കല്ലേ..!! ഞാൻ അച്ചാച്ചനെ കൊല്ലും.”
“ഇല്ലടി മോളെ, ഞാൻ ഒരിക്കലും മറക്കില്ല.” ചിരിച്ചുകൊണ്ട് ഞാൻ പ്രോമിസ് ചെയ്തു.
“പിന്നേ, അച്ചാച്ചനും വേണ്ടത്ര റെസ്റ്റൊന്നും കിട്ടുന്നില്ലല്ലോ, അതുകൊണ്ട് അച്ചാച്ചൻ ആ പൂളിന് പുറത്ത് വീണത് വളരെ നന്നായി. ഒന്ന് രണ്ട് ദിവസമെങ്കിലും മര്യാദയ്ക്ക് അവിടെ റെസ്റ്റെടുക്കാൻ കഴിഞ്ഞല്ലോ.” ചിരിച്ചുകൊണ്ടാണ് ജെസ്സി പറഞ്ഞെങ്കിലും അവളുടെ ശബ്ദത്തിൽ നല്ല സങ്കടം നിറഞ്ഞിരുന്നു.
“എടി കള്ളി… നിനക്ക് ഇത്രയും സ്നേഹമില്ലാതെ പോയല്ലോ.” ഞാൻ ചിരിച്ചുകൊണ്ട് പരാതി പറഞ്ഞു.