Posted by
“നമ്മൾ ആ കമ്പിയിൽ വെറും ആ ബെല്റ്റ് മാത്രം കെട്ടി അത്രയും പൊക്കത്തിൽ ആകാശത്തിലൂടേ അത്രയും സ്പീഡിൽ പാഞ്ഞു പോകുമ്പോ ആ ബെല്റ്റ് പൊട്ടി പോയാലോ…?” ടീച്ചറും നല്ല പേടിയോടേയാണ് ചോദിച്ചത്.
“എന്റെ ചേച്ചി, അങ്ങനെ ഒന്നും സംഭവിക്കില്ല.” ഞാൻ ധൈര്യം കൊടുത്തു. “ബെല്റ്റ് ശെരിക്കും ചെക്ക് ചെയ്തിട്ടാണ് നമ്മുടെ ശരീരത്തിൽ ഫിക്സ് ചെയ്യുന്നത്. ആകാശത്തിന് കുറുകെ കെട്ടിയിരിക്കുന്നു ആ കമ്പിയേ ഫ്രീക്വന്റായി ചെക്ക് ചെയത് സേഫ്റ്റി ഉറപ്പ് വരുത്താനായി ഒരു ടീം തന്നെയുണ്ട്. അതുകൊണ്ട് ധൈര്യമായി നിങ്ങൾ റൈഡ് ചെയ്യൂന്നേ.”
പേടി ഉണ്ടെങ്കിലും എന്റെ വാക്കുകൾ അവരെ ധൈര്യപ്പെടുത്തി. ഒടുവില് അവരും സ്കൈ റൈഡ് ചെയ്തു. അവർ പേടിച്ച് വിളിച്ചു കൂവിയെങ്കിലും ശെരിക്കും എൻജോയ് ചെയ്യുകയും ചെയ്തായിരുന്നു.
പിന്നേ ഓരോ സ്ഥലത്ത് പോയി കറങ്ങി അനുഭവിച്ച് അടിച്ചു പൊളിച്ച ശേഷം ഓരോ ടൂറിസ്റ്റ് സൈറ്റുകളിൽ നിന്നും അവിടത്തെ സ്പെഷ്യൽ ഐറ്റം ഒക്കെ ഞങ്ങൾ വാങ്ങിച്ചു കൂട്ടുകയും ചെയ്തിരുന്നു. കാശിന്റെ കാര്യത്തിൽ അവരുടെ പരാതി ഒന്നും കാര്യമാക്കാതെ ഞാൻ തന്നെയാണ് എല്ലാത്തിനും പേ ചെയ്തത്.
എങ്ങോട്ട് പോയാലും പോകുന്ന വഴിക്കുള്ള സീനറികളും അവർ ശെരിക്കും ആസ്വദിച്ചായിരുന്നു. എല്ലാ ഇടത്തും അവർ ഭയങ്കരമായി ആഘോഷിച്ച് എൻജോയ് ചെയ്തു. ഞാനും എൻജോയ് ചെയ്തെങ്കിലും അവരുടെ ആ ത്രില്ലും, സന്തോഷവും, കളി തമാശയും, എല്ലാത്തിലും ഇൻവോൾവ് ചെയ്ത് അതിലേക്ക് ലയിച്ച് ശെരിക്കും ആഘോഷിക്കുന്നതൊക്കേയാണ് എന്നെ കൂടുതൽ സന്തോഷിപ്പിക്കുകയും ത്രില്ലടിപ്പിക്കുകയും ചെയ്തത്. ടൂറിനേക്കാളും അവർ രണ്ടുപേരുടെ ആഘോഷമാണ് എന്നെ അതിയായി സന്തോഷിപ്പിച്ചു കൊണ്ടിരുന്നത്.