Posted by “ഓഹ്, ഞാൻ വിചാരിച്ചു നിങ്ങൾ എടുത്ത് ഇട്ടപ്പോ മാറി പോയതാവും എന്ന്.” ഞാൻ എഴുനേറ്റ് ബെഡ്ഡിൽ ഇരുന്നിട്ട് ജാള്യതയോടെ തല ചൊറിഞ്ഞു. “എന്തായാലും നിങ്ങൾ രണ്ടുപേർക്കും നിങ്ങളുടെ ഡ്രെസ്സും ഷൂസുമൊക്കെ അടിപൊളി ആയിട്ടുണ്ട്.” ഞാൻ അവരുടെ ഡ്രെസ്സിൽ നോക്കി പുഞ്ചിരിയോടെ പുകഴ്ത്തി.
അത് അവരെ സന്തോഷിപ്പിച്ചു.
“ശെരി എണീക്ക്, സമയം 6:45 ആയി.” മിസ്സ് പറഞ്ഞു.
“അയ്യോ അത്രയുമായോ..?” ഞാൻ ചാടി എഴുന്നേറ്റു. “ഞാൻ വേഗം കുളിച്ച് റെഡിയായി വരാം ചേച്ചി. എന്നിട്ട് ഇവിടെയുള്ള റെസ്റ്റോറന്റിൽ ചെന്ന് കഴിക്കാം.” ഞാൻ വേഗം ചെന്ന് എന്റെ ബാഗില് നിന്നും വേണ്ടതൊക്കെ എടുക്കാൻ തുടങ്ങി.
“കഴിക്കാൻ അങ്ങോട്ടൊന്നും പോകണ്ട, 15 മിനിറ്റിന് മുമ്പ് തന്നെ നമുക്ക് വേണ്ടതൊക്കെ ഓര്ഡറും കൊടുത്തു കഴിഞ്ഞു, 7 മണിക്ക് മുമ്പ് എല്ലാം റെഡിയാക്കി കൊണ്ടുവരാമെന്ന അവർ പറഞ്ഞിരിക്കുന്നത്.” എനിക്ക് വേണ്ടതൊക്കെ ബാഗില് നിന്നും എടുക്കാൻ സഹായിച്ചു കൊണ്ട് മിസ്സ് പറഞ്ഞു.
“പിന്നേ അരുണിന്റെ കാര്യത്തിൽ തീരുമാനമായി..!” ടീച്ചർ സംതൃപ്തിയോടെ പറഞ്ഞു.
“എന്തു തീരുമാനം..?” ഞാൻ സംശയത്തോടെ ചോദിച്ചു.
“രാവിലെ തന്നെ ഞാൻ ചെന്ന് റിസോര്ട്ട് ഓണറേ കണ്ടായിരുന്നു.” ടീച്ചർ അരുണിന്റെ സംസാരമൊക്കെ വീണ്ടും ചിന്തിച്ചു നോക്കിയത് പോലെ ദേഷ്യത്തില് പറഞ്ഞു. “എന്നിട്ട് മറ്റ് വീഡിയോയും ഓഡിയോയും എല്ലാം അയാള്ക്ക് കാണിച്ചു കൊടുത്തു. അപ്പൊ തന്നെ പുള്ളി അരുണിനെ വിളിച്ചു വരുത്തി. എന്നിട്ട് അടി മാത്രം കൊടുത്തില്ല, അവനെ ഇവിടെ നിന്നും പുറത്താക്കുകയും ചെയ്തു.”