Posted by
ഫിദയവന്റെ മുഖത്തേക്ക് നോക്കി…… എന്താ എന്നവൻ പുരികം പൊക്കി…ഒന്നുമില്ലെന്ന് തലയനക്കി അവൾ എണീറ്റ് മുറിയിലേക്ക് പോയി….
ഇങ്ങനെയൊരു ഭാവം പതിവില്ലാത്തതുകൊണ്ട് കുഞ്ഞിനേയും കൊണ്ടവൻ പിറകെ ചെന്നു….
“എന്ത് പറ്റിയെടീ…..എന്താ മുഖമൊക്കെ വല്ലാതെ…”കട്ടിലിൽ കിടക്കുന്നവളുടെ അടുത്തായി ഇരുന്നു……
“എന്താണേലും പറയ്……”
എന്നിട്ടും അവൾ ഒന്നും മിണ്ടുന്നില്ല…കുഞ്ഞിനെ ഭിത്തിയോട് ചേർത്തുകിടത്തി…. യൂണിഫോം ഷർട്ടിന്റെ മുകളികെ രണ്ട് ബട്ടൺ അഴിച്ചു ബെൽറ്റും ഊരി ടേബിളിലേക്ക് വച്ചിട്ട് അവൾക് നേരെ വന്നു പിടിച്ചെഴുന്നേൽപ്പിച്ചു നേരെ ഇരുത്തി….
“പറയ്…..എന്താ പറ്റിയെ നിനക്ക്….”
അവൾ അവനെ കെട്ടിപിടിച്ചു…തോളിലേക്ക് മുഖം ചായ്ച്ചു……
“സുഹറത്ത വന്നിരുന്നു…..എന്തൊക്കെയാ ചെയ്യണ്ടെന്നും ഒക്കെ പറഞ്ഞു തന്നു…..ഇനി 3,4 ദിവസം കൂടെയല്ലേ ഉള്ളൂ…..”
“ഉമ്മയെ ഓർമ വന്നോ നിനക്ക്….” അവൻ ചോദിച്ചു….
“മ്മ്മ്ഹും….” അവൾ വിലങ്ങനെ തലയാട്ടി……
ഉമ്മയെ മറന്നിട്ടു വേണ്ടേ ഓർമ്മിക്കാൻ……
“പിന്നെ……”
“അവർ പറഞ്ഞു…..കുളി കഴിഞ്ഞിറങ്ങിയാൽ ആദ്യം കാണേണ്ടത് ഭർത്താവിനെയാന്ന്…..”
അതിനെന്താ താനിവിടുണ്ടല്ലോ..അന്നെങ്ങോടും പോകുന്നില്ലല്ലോ എന്നവൻ ഉള്ളിലോർത്തു…….
“ഞാൻ ഒരു കാര്യം ചോദിച്ചോട്ടെ…..”
“മ്മ്മ്…ചോദിക്ക്…..” അവൾ എന്താണ് ചോദിക്കാൻ പോകുന്നതെന്ന ആകാംക്ഷയോടെ അവൻ മുഖത്തേക്ക് നോക്കി………