Posted by
വൈകിട്ടാകുമ്പോ അവർ തിരിച്ചെത്തും….രാത്രിയിൽ അവിടെത്തന്നെ അവൾക് കൂട്ടായി…ശബരിക്ക് ഓഫ് ഉള്ള ദിവസങ്ങളിൽ പകലും നിക്കും…എങ്ങനെയെങ്കിലും അവളെ 3 മാസം വരെ ഒന്ന് സൂക്ഷിക്കണം….അവനെ പോലൊരുത്തനെ ഈയവസ്ഥയിൽ താങ്ങിയാൽ അതിന്റെ ഏണക്കേട് ജീവിതകാലം മൊത്തം അനുഭവിക്കേണ്ടി വരും……
അവളോട് പറഞ്ഞിട്ടൊരു കാര്യോമില്ലെന്ന് ഈ കഴിഞ്ഞ ദിവസങ്ങൾ കൊണ്ടവർക്ക് മനസിലായതാണ്……എത്ര പറഞ്ഞു കൊടുത്താലും അവൻ അടുത്ത് വന്നാലവൾ നിന്നുകൊടുക്കും…..ഇങ്ങനൊരു പൊട്ടിക്കൊച്ച്…………
കുഞ്ഞിമണിയെ പാളയിൽ കിടത്തി എണ്ണ തേക്കുകയാണ് മേരിയമ്മച്ചി…അടുത്തവളും ഉണ്ട് അതും നോക്കി……
”കൊച്ചേ….40 ആകാറായില്ലേ…..എന്തൊക്കെയാ ചെയ്യേണ്ടതെന്ന് അറിയുവോ…..“
അവൾ അറിയില്ലെന്ന മട്ടിൽ തലയനക്കി…..
”ഞാനാ സുഹറാനോട് ചോദിച്ചായിരുന്നു…..അവൾ കുളിക്കേണ്ട വിധമൊക്കെ പറഞ്ഞുതരാം ഇന്നിങ്ങു വരാമെന്ന് ഏറ്റിട്ടുണ്ട്……ബാക്കിയെല്ലാം ശബരിയോട് പറഞ്ഞെല്പിക്കാം….കുഞ്ഞിനിടേണ്ടതൊക്കെ…….“
വൈകിട്ടായപ്പോ സുഹറത്ത വന്നു….അവളോടെല്ലാം പറഞ്ഞു കൊടുത്തു….ശബരി വന്നപ്പോളേക്ക് അവർ ഇറങ്ങി……അവർ ഒന്നു ചിരിച്ചു..തിരികെയവനും……
സോഫയിലിരിക്കുന്നവൾ എന്തോ ആലോചനയിലാണ്…..അടുത്തു വന്നതൊന്നും അറിഞ്ഞിട്ടില്ല…….
“ഉമ്മിക്കുഞ്ഞെന്താ കണ്ണേ ആലോചിക്കുന്നെ….അച്ചയെ മൈൻഡ്പോലും ഇല്ല…” അവൻ കുഞ്ഞിയെ എടുത്തു കൊണ്ടാ ഉണ്ണിവയറിൽ മൂക്കുരുമ്മി…..