Posted by
അവനെ അത്രക്കും വിശ്വാസം ആണവർക്ക്….കണ്ണുതെറ്റിയാൽ അവളുടെ പിന്നാലെ ചുറ്റിതിരിയുന്നത് തന്നെ കാരണം…..
പോകെ പോകെ ശബരിക്ക് ഭ്രാന്തെടുത്തു തുടങ്ങി…..
ഒന്നും വേണ്ട….ഒന്നു തനിച്ചു കണ്ടാൽ മതി….ഒന്നു നെഞ്ചോട് ചേർത്തു പിടിച്ചാൽ മതി….തിളയ്ക്കുന്ന ഉള്ളിനൊരാശ്വാസം….അത്ര മാത്രം……
തന്റെ സ്റ്റേഷനിലെ സ്വഭാവമിവിടെ എടുക്കാൻ അറിയാഞ്ഞിട്ടല്ല….എപ്പോളൊക്കെയോ അവനവരെ പ്രിയപ്പെട്ടതായി കണ്ടുതുടങ്ങിയിരുന്നു…..
രാത്രിയിലേക്കുള്ള ആഹാരം ഉണ്ടാക്കിവച്ചു മേരിയമ്മച്ചി അടുക്കള തൂത്തു വന്നു….ഫിദ കുളിക്കാൻ കയറി…തണുപ്പിനോട് പൊ രുത്തപ്പെട്ടെങ്കിലും ചൂടുവെള്ളത്തിൽതന്നെയാണ്കുളി…..ശബരി ഹാളിൽ കുഞ്ഞിനെ മടിയിൽ വച്ചു കളിപ്പിക്കുന്നു…. മുറ്റത്തു നിന്നും വിളികേട്ടു ചെന്ന്നോക്കുമ്പോൾ കുറച്ചപ്പുറത്തുള്ള സുഹറയും കൊച്ചുമോനുമാണ്…കുഞ്ഞിനെ കാണാൻ വന്നത്….
ആരെയെങ്കിലും മിണ്ടാൻ കിട്ടിയാൽ പിന്നെ വാ കൂടില്ല മേരിയമ്മച്ചിക്ക്…..ഹാളിൽ ഇരുന്നു സംസാരം തുടങ്ങി കുഞ്ഞിപ്പെണ്ണിനെ മടിയിലും വച്…..കൂട്ടത്തിൽ ഫിദയുടെ രീതികളെപ്പറ്റിയും നടത്തേണ്ട ചടങ്ങുകളെപ്പറ്റിയും അറിയണമാരുന്നു അവർക്ക്…..അവൾക്കതിനെ പറ്റിയൊന്നും വലിയ ധാരണയില്ല.
സംസാരം മുറുകിയതും സിറ്റൗട്ടിൽ നിന്ന ശബരി വലിഞ്ഞത് അവർ ശ്രദ്ധിച്ചില്ല……
അവൻ മുറ്റത്തിന്റെ സൈഡിൽ കൂടി അടുക്കളപ്പുറത്തേക്ക് നടന്നു…..