ഫിദ [അനാമിക]

“അത് കുഴപ്പമില്ല തോമസേട്ടാ  അഡ്ജസ്റ്റ്  ചെയ്യാവുന്നതേ ഉള്ളു..കൂടുതൽ പറയാതെ അവനുള്ളിലേക്ക് നടന്നു..പിന്നാലെ അവളും

എന്നാ ഞാനിറങ്ങുവാണെ സാറെ എന്തേലും ആവശ്യം ഉണ്ടെങ്കിൽ വിളിക്ക് കേട്ടോ എന്ന് പറഞ്ഞുകൊണ്ടയാളും നടന്നു..

അവനൊരു മുറിയിലേക്ക് കയറിപോയിരുന്നു..മറ്റൊരു മുറി കൂടെ ഉണ്ട്..എന്ത് ചെയ്യണമെന്നറിയാതെ നിന്നതും പോളോ ടി ഷർട്ട്‌ ന്റെ ബട്ടൺ അഴിച്ചുകൊണ്ട് അവൻ പുറത്തേക്ക് വന്നു..

“ഞാൻ ഒറ്റക്കുള്ളത് കൊണ്ട് ഒരു മുറിയെ ഫർണിഷ് ചെയ്‌തിട്ടുള്ളു..മറ്റേതിൽ ഹൌസ് ഓണറുടെ സാധനങ്ങൾ സ്റ്റോർ ചെയ്‌തിരികുവ..താൻ തത്കാലം എന്റെ മുറി ഉപയോഗിച്ചോളു..അവനിറങ്ങിവന്ന മുറിയിലേക്ക് കണ്ണു കാണിച്ചുകൊണ്ട് പറഞ്ഞു..അവൾ കയ്യിലുള്ള കൂടുമായി മുറിക്കകത്തേക് നടന്നു..അത് നോക്കിയവന്റെ കണ്ണുകൾ നടക്കുമ്പോൾ താളത്തിൽ ഇളകുന്ന അവളുടെ മുടിയിലേക്കും അത് വിടർന്നു മറച്ചിരിക്കുന്ന തള്ളിനിൽക്കുന്ന അരക്കെട്ടിലേക്കും നീണ്ടു..

“ഛെ…തനിതിവിടെയൊക്കെയാ നോക്കുന്നത്..പെണ്ണുങ്ങളെ കാണാത്ത പോലെ..അല്ല താനാരെയാ നോക്കിയിട്ടുള്ളത് ഇതുവരെ..അവൻ സ്വയം പറഞ്ഞുകൊണ്ട് അടുക്കളവശത്തേക്ക് നടന്നു..അവിടെ കണ്ട വാഷ്ബാസിനിൽ മുഖം കഴുകി ഹാളിലെത്തുമ്പോൾ ടെൻഷനോടെ എല്ലായിടവും നോക്കുന്നുണ്ട് പെണ്ണ്..

”എന്തേ…“

അവൾ അവനു നേരെ നോക്കി..പിന്നെ മുഖം താഴ്ത്തി..

”എന്താ… കാര്യം പറ കൊച്ചെ“

”എനിക്കൊന്ന് മുള്ളണം..അർജന്റാ..“ വലതുകയിലെ ചെറുവിരൽ ഉയർത്തിയവൾ പറഞ്ഞതും ആ ഭാവം കണ്ടവന് ചിരി വന്നുപോയി..മറച്ചുപിടിച്ചുകൊണ്ടവൻ അവളെ നോക്കി