Posted by അപ്പോഴാണ് ബാങ്കിൽ നിന്നുള്ള മെസേജ് മൊബൈലിൽ വന്ന് കിടക്കുന്നത് അയാളോർത്തത്.. വേഗം മൊബൈലെടുത്ത് നോക്കിയ അയാൾ ഞെട്ടിപ്പോയി.. ഇരുപതിനായിരം രൂപ അക്കൗണ്ടിൽ നിന്ന് പിൻവലിച്ചിരിക്കുന്നു… ആര്…!?..
പത്ത് മിനിറ്റ് മുമ്പാണ് ഈ പണം പിൻവലിച്ചതെന്ന് ദേവദാസിനെ അമ്പരപ്പിച്ചു…
തന്റെയും ഭാര്യയുടേയും പേരിലുള്ളതാണീ അക്കൗണ്ട്..എ ടി എം കാർഡ് ഭാര്യയുടെ കൈവശമാണ്.. ഇനി അവളെങ്ങാനും പൈസയെടുത്തോ.. ഹേയ്..അതൊരിക്കലുമുണ്ടാവില്ല.. താനറിയാതെ ഒരു രൂപ അവളെടുക്കില്ല..എടുത്താൽ അവൾ വിവരമറിയും.. അതുമല്ല, വെറും പത്ത് മിനിറ്റ് മുമ്പാണ് പണം പിൻവലിച്ചത്.. താനറിയാതെ അയൽപക്കത്തേക്ക് പോലും പോകാത്ത സുഷമയെങ്ങിനെ എ ടി എമ്മിൽ പോയി പൈസയെടുത്തു… ?.
ദേവദാസ് വേഗം ഫോണെടുത്ത് സുഷമക്ക് വിളിച്ചു..
“നീ എവിടെയാ….?”..
ഫോണെടുത്തതേ അയാൾ ചോദിച്ചു..
“ ഞാൻ വീട്ടിലുണ്ട്… എന്താ ഏട്ടാ… ?”.
“നീയിന്ന് പുറത്തെവിടെയെങ്കിലും പോയിരുന്നോ…?”..
“പുറത്തോ… ?..
ഞാനെന്തിനാ ഏട്ടാ പുറത്ത് പോവുന്നേ… ?”..
“ചോദിച്ചതിനുത്തരം പറയെടീ…”..
ദേവദാസ് കലി പൂണ്ടു..
“ഇല്ലേട്ടാ… ഞാനെങ്ങും പോയിട്ടില്ല… അല്ലെങ്കിലും ഏട്ടനോട് പറയാതെ ഞാനെങ്ങോട്ടെങ്കിലും പോകാറുണ്ടോ…?”..
“നമ്മുടെ എ ടി എം കാർഡ് നിന്റെ കയ്യിൽ തന്നെയല്ലേ… ?”..
“അതേ ഏട്ടാ… അലമാരയിലുണ്ട്… “..
“വേഗം പോയി നോക്കെടീ… “..
അയാൾ ഫോണിലൂടെ അലറി.. സുഷമ ബെഡ്റൂമിലേക്കോടി..