Posted by
”താങ്ക്സ് അച്ചായാ… അത് പിന്നെ, അയച്ച മെയിലിൽ റേറ്റ് കണ്ടായിരുന്നു. രണ്ട് ലക്ഷം എന്നത് എനിക്ക് കുറച്ച് കൂടുതലാണ്. ഇത്രയും വലിയൊരു എമൗണ്ട് പെട്ടെന്ന്…” അവൾ പറഞ്ഞു മുഴുമിപ്പിക്കുന്നതിന് മുൻപേ ഞാൻ ഇടപെട്ടു.
”നോക്ക് കല്യാണി, മാർക്കറ്റിൽ എന്റെയൊരു പേര് നിനക്കറിയാല്ലോ? നീ ഇതുവരെ ചെയ്ത വർക്കുകളല്ല, ഇനി ചെയ്യാൻ പോകുന്നതാണ് നിന്റെ കരിയർ നിശ്ചയിക്കുന്നത്. എന്റെ ക്യാമറയ്ക്ക് മുന്നിൽ നിന്നാൽ നിന്റെ വാല്യൂ മാറുകയാണ്. അതുകൊണ്ട് റേറ്റിൽ ഒരു വിട്ടുവീഴ്ചയ്ക്കും ഈ അച്ചായനില്ല. ടു ലാഖ്സ്… ദാറ്റ് ഈസ് ഫിക്സഡ്.”
ഞാൻ ഒരു സിഗരറ്റിന് തീ കൊടുത്തു. അപ്പുറത്ത് അല്പനേരം നിശബ്ദതയായിരുന്നു. പെട്ടെന്ന് അവൾ ചോദിച്ചു, “അച്ചായാ, നമുക്ക് നേരിട്ട് ഒന്ന് കാണാൻ പറ്റുമോ? സംസാരിക്കാനായിരുന്നു…”
”നേരിട്ടോ? ഷൂട്ടിന് മുൻപ് അങ്ങനെയൊരു പതിവില്ലല്ലോ. എല്ലാം മെയിൽ വഴിയും ഫോൺ വഴിയുമാണ് നടക്കാറുള്ളത്.”
”അതല്ല അച്ചായാ… ഭാഗ്യത്തിന് ഞാൻ ഇപ്പോൾ തൃശ്ശൂരിലുണ്ട്. എന്റെ ഒരു ഫ്രണ്ടിന്റെ കല്യാണത്തിന് വന്നതാണ്. അതുകൊണ്ട് നേരിട്ട് സ്റ്റുഡിയോയിൽ വരാൻ എളുപ്പമാണ്. ഒന്ന് നേരിട്ട് കണ്ട് സംസാരിച്ചാൽ എനിക്ക് കുറച്ചുകൂടി കോൺഫിഡൻസ് കിട്ടും. പ്ലീസ്…”
ഞാൻ ഒന്ന് ആലോചിച്ചു. സാധാരണ ആരെയും സ്റ്റുഡിയോയിലേക്ക് നേരിട്ട് വിളിക്കാറില്ല. പക്ഷെ കല്യാണിയുടെ ആ ഫോട്ടോകൾ മനസ്സിൽ വന്നു. നേരിട്ട് കാണുമ്പോൾ ആള് എങ്ങനെ ഉണ്ടെന്ന് അറിയാമല്ലോ.