Posted by
ദേവികയും, പൂജയും പരസ്പരം നോക്കി.. ദേവികക്ക് പൂജയെ ഇഷ്ടമല്ല..അവളുടെ റാഗിംഗിന് ഇരയായവളാണ് ദേവികയും..പൂജക്ക് പിന്നെ ആരുണ്ടായാലും പ്രശ്നമില്ല എന്ന ഭാവമാണ്..ആശയും തന്റെ സ്റ്റുഡൻസിനെ ലേശം ചമ്മലോടെയാണ് നോക്കിയത്..
“അപ്പോ തുടങ്ങാം… ആദ്യം നമുക്കെല്ലാം പരസ്പരം ഒന്ന് പരിചയപ്പെടാം… ഒരു കോളേജിലാണെങ്കിലും തമ്മിൽ പരിചയമുണ്ടാവണമെന്നില്ല… ഇനി ഒരൊറ്റ മനസോടെ മുന്നോട്ട് പോവേണ്ടവരാണ് നമ്മൾ… ആദ്യം സുഹൈൽ നിന്നെയൊന്ന് പരിചയപ്പെടുത്ത്…”..
മേനോൻ മീറ്റിംഗ് ആരംഭിച്ചു.. സുഹൈൽ എഴുന്നേറ്റ് നിന്ന് സ്വയം പരിചയപ്പെടുത്തി.. അവന്റെ പേരും, നാടും, പഠിക്കുന്ന ഡിപ്പാർട്ട്മെന്റും എല്ലാം… പിന്നെ ഓരോരുത്തരായി എണീറ്റ് സ്വയം പരിചയപ്പെടുത്തി..
“എന്നെയും,ആശ മിസ്സിനേയും പിന്നെ പ്രത്യേകിച്ച് പരിചയപ്പെടുത്തേണ്ട ആവശ്യമില്ലല്ലോ അല്ലേ… അപ്പോ ചോദ്യം നിങ്ങളോടാണ്.. ഈ ദൗത്യത്തിൽ തുടക്കം മുതൽ ഇത് തീരുന്നത് വരെ ഒപ്പം നിൽക്കാൻ നിങ്ങൾക്ക് സമ്മതമാണോ…?”..
പെണ്ണുങ്ങളിരിക്കുന്ന ഭാഗത്തേക്ക് നോക്കി മേനോൻ ചോദിച്ചു..
“നിങ്ങൾക്ക് സമ്മതമാണെന്ന് പറഞ്ഞത് കൊണ്ടാണ് ഇങ്ങോട്ട് വരാൻ പറഞ്ഞത്… എന്നാലും എന്നോട് നേരിട്ട് ഒന്നുകൂടി പറയണം…”..
“എനിക്ക് സമ്മതമാണ് സാർ…”..
കൈ പൊക്കികൊണ്ട് പൂജ പറഞ്ഞു..
ദേവിക, അനന്തുവിന്റെ മുഖത്തേക്കൊന്ന് നോക്കി.. അവൻ പറഞ്ഞോളാൻ ആംഗ്യം കാട്ടി…