Posted by
രോഹന്റെ ചോദ്യം കേട്ട് സങ്കടം കൊണ്ട് മീരയുടെ കണ്ണ് നിറഞ്ഞു. അവൾ അവന്റെ അടുത്തേക്ക് വന്നു നിന്നു. അവൻ അവളെ ചേർത്ത് കെട്ടിപിടിച്ചു കൊണ്ട് അവളുടെ നെറുകയിൽ ഉമ്മവച്ചു കൊണ്ട് മുടിയിൽ തഴുകാൻ തുടങ്ങി. മീരയും അവനെ ഇറുക്കി കെട്ടിപിടിച്ചു.
‘ഓ. തുടങ്ങി രണ്ടും. ഒരു കാമുകിയും കാമുകനും വന്നേക്കുന്നു.മതി സ്നേഹം ഒക്കെ.. പോകാൻ നോക്കാ പിള്ളേരെ.’ പാർവതി കുട്ടിയെ എടുത്ത് കൊണ്ട് മുറിയിൽ അമ്മയുടെ കയ്യിൽ കൊണ്ട് കൊടുത്ത് ഒരുങ്ങാൻ പോയി.
ആലിംഗനത്തിൽ നിന്നും മോചിതരായി അവർ കണ്ണിലേക്കു നോക്കി നിന്നു.അവളുടെ കവിളുകൾ ചേർത്ത് പിടിച്ച് ചുണ്ടിൽ അമർത്തി ഉമ്മ വച്ച് കൊണ്ട് അവൻ അവളെ വിട്ടു.
മീരയുടെ സാധനങ്ങൾ എല്ലാം കാറിൽ കേറ്റി അവർ മൂന്ന് പേരും കൂടി യാത്ര തുടങ്ങി. മീരയുടെ വീട്ടിൽ എത്തിയ രോഹനെ അവൾ എല്ലാർക്കും പരിചയപ്പെടുത്തി കൊടുത്തു. എല്ലാർക്കും അവനെ ഭയങ്കര ഇഷ്ടമായി.. അവരോടെല്ലാം യാത്ര പറഞ്ഞ് രോഹനും പാർവതിയും ഇറങ്ങി. ടൗണിൽ ആണ് കൂട്ടുകാരന്റെ വീട്. കാർ അവിടെ ഇട്ടിട്ട് സ്വന്തം കാർ എടുത്തു പോകാൻ ആയിരുന്നു അവരുടെ പ്ലാൻ. ട്രാഫിക് കുറവായത് കൊണ്ട് പെട്ടെന്ന് തന്നെ അവർ അവിടെ എത്തി. കാർ ഉള്ളിലേക്ക് കയറ്റി അവർ കാളിങ് ബെൽ അടിച്ചു.പക്ഷെ ആരെയും കണ്ടില്ല.. അവരുടെ കാറും അവർക്ക് അവിടെ കാണാൻ സാധിച്ചില്ല.
പാർവതി വേഗം ഫോൺ എടുത്ത് ശരത്തിന്റെ (കൂട്ടുകാരൻ ) ഭാര്യയെ വിളിച്ചു.
‘ ഹലോ. എടീ ഞങ്ങൾ നിന്റെ വീട്ടിൽ എത്തി. കാർ കൊണ്ട് വന്നതാ. നിങ്ങൾ എവിടെയാ.. ആരെയും കാണാനില്ലല്ലോ.’