Posted by
ഞാനെവിടെ പരുപാടി അവതരിപ്പിച്ചാലും ഇതാണല്ലോ ദൈവമേ അവസ്ഥ… 😐
തൊട്ടടുത്ത നിമിഷം ഒന്ന് തൊണ്ട അനച്ചുകൊണ്ട് മിസ്സ് എന്റെ അടുത്തുള്ള കസേരയിലേക്ക് വന്നിരുന്നു.
മിസ്സിന്റെ ശരീരത്തിൽ നിന്നുള്ള ആ ചൂടും, വിയർപ്പിന്റെ ഗന്ധവും അപ്പോഴും എന്നേ പൊതിഞ്ഞിട്ടുണ്ടായിരുന്നു…
”ടാ…”
മിസ്സിന്റെ വിളി എന്റെ ചെവിയിൽ മുഴങ്ങി.
അതുകേട്ട് കഴിഞ്ഞതും പാതി ജീവൻ പോയിരുന്നു….
ഒന്ന് തല കറങ്ങി വീണാലോ അതാവുമ്പോൾ താൽക്കാലത്തേക്ക് രക്ഷപെടാം…
”ടാ… ഇങ്ങോട്ട് നോക്ക്…”
വീണ്ടും ആ ശബ്ദം. രക്ഷയില്ലെന്ന് മനസ്സിലായതുകൊണ്ട് ഞാൻ മെല്ലെ തിരിഞ്ഞു നോക്കി. കവിളത്ത് അടി വീഴാൻ പോകുവാണ് എന്ന ഉറപ്പിൽ, ഞാൻ ദയനീയമായി ഒന്ന് ഇളിച്ചു കാണിച്ചു.
പക്ഷേ… മിസ്സിന്റെ മുഖത്ത് ദേഷ്യമൊന്നുമുണ്ടായിരുന്നില്ല. പകരം ചുണ്ടിൽ നേരിയൊരു ചിരി
”എന്നെക്കുറിച്ച് നിധി നിനക്ക് പറഞ്ഞു തന്നിട്ടുണ്ടാവും എന്ന് കരുതുന്നു. എനിക്ക് ആമിയെയും നിധിയേയും ചെറുപ്പം മുതലേ അറിയാം… അവർക്ക് ഞാനൊരു ചേച്ചിയെപ്പോലെയാണ്…”
മിസ്സ് കസേരയിലേക്ക് ഒന്നുകൂടി ചാരിയിരുന്നുകൊണ്ട് പറഞ്ഞു:
”അത് മാത്രമല്ല എനിക്ക് അധികം വയസ്സൊന്നുമില്ല… സോ നിങ്ങളും എന്നെ ചേച്ചി എന്ന് വിളിച്ചാൽ മതി…ഈ മിസ്സേ മിസ്സേ എന്ന് കേൾക്കുമ്പോൾ എന്തോ പോലേ”
ഹോ… അതുകേട്ടപ്പോഴാണ് ശ്വാസം ഒന്ന് നേരെ വീണത്. അടി കിട്ടില്ല എന്ന് ഉറപ്പായതോടെ എന്റെ ഉള്ളിലെ കാമുകൻ വീണ്ടും ഉണർന്നു.