Posted by
അതിന്റെ ക്ഷീണം മാറാൻ എന്ത് ചെയ്യുമെന്ന് ആലോചിക്കുമ്പോൾ ദേ അടുത്ത വളമിട്ടേച്ചും പോയിരിക്കുന്നു……!
ഈശ്വര….ഈ പുഞ്ചിരി വെറും വാത്സല്യത്തിന്റെയാണ്.നീയെങ്കിലും അത് മനസ്സിലാക്ക്….എന്നിട്ട് എന്നെ ഇടയ്ക്കൊക്കെ അതൊന്നു ഓർമിപ്പിക്ക്….പ്ലീസ്….!
അഞ്ചു മിനിട്ട് കഴിഞ്ഞപ്പോ ഞാൻ താഴെയ്ക്ക് ചെന്നു…..മേമ എന്നെ പ്രതീക്ഷിച്ചെന്ന വണ്ണം മുറ്റത്തിന്റെ അതിരിലുള്ള കുടംപുളി മരത്തിൽ ചാരി നിൽപ്പുണ്ട്…. അമ്മച്ചനും അമ്മാമ്മയും ഉമ്മറത്ത് എന്തോ സംസാരിച്ചിരിക്കുന്നു…..!
എന്നെ കണ്ടതും അമ്മച്ചന്റെ കണ്ണൊന്നു വിടർന്നതും ഞാൻ മേമയുടെ അടുത്തേക്ക് ഒറ്റ ഓട്ടം വച്ചു കൊടുത്തു….ഇനിയിപ്പോ അങ്ങേർക്കുള്ള മറുപടി അമ്മാമ കൊടുത്തോളും…..!
ഞാനും മേമയും വിശാലമായ പറമ്പിലേയ്ക്ക് കയറി…. പലതരം കൃഷികൾ…. മേമ ഓരോന്നും കാണിച്ചു തന്നു കൊണ്ട് എന്റെയൊപ്പം നടന്നു…..!
കുരുമുളക് ആണ് അധികവും. പിന്നെ ചേന..ചേമ്പ്… വാഴ…ഇഞ്ചി..കാപ്പി…അങ്ങനെ ഒരുപാടുണ്ട്. ഒരിഞ്ച് സ്ഥലം വിട്ടിട്ടില്ല…!
കുരുമുളക് തിരി ഇട്ട് വരുന്നേ ഉള്ളു…അടിയിലെ കാടൊക്കെ വെട്ടി വൃത്തിയാക്കിയിട്ടുണ്ട്…….!
“നിനക്കെന്താ ഒരു കനം”..!!!!
ഒന്നും മിണ്ടാതെയുള്ള എന്റെ നടത്തം കണ്ട് മേമ ഒരു നിമിഷം നിന്നു…..!