Posted by
“സാരമില്ല..”
ഞാന് ദയനീയമായിപ്പറഞ്ഞു.
“ശരി…”
ഹെലന് പുഞ്ചിരിച്ചു.
ഞാന് മോഹന് അങ്കിളിനെപ്പറ്റി ഹെലന് ചോദിച്ചതനുസരിച്ച്, വിശദമായി അവളോട് വീണ്ടും പറഞ്ഞു. രേഖയുടെ ഫോട്ടോ കൊടുത്തു. ചാര്ജ്ജിന്റെ അഡ്വാന്സും.
പിന്നെ ഞാന് വീട്ടിലേക്ക് പോന്നു.
വീട്ടിലെത്തിയപ്പോള് രേഖ ടി വി കാണുകയാണ്. ഞാന് അടുത്ത് എത്തിയതും അവള് എഴുന്നേറ്റ് എന്നെ ചുംബിച്ചു. എന്നില് വലിയ ഉത്സാഹമൊന്നും കാണാഞ്ഞതിനാല് എന്തോ കുഴപ്പമുണ്ട് എന്ന് അവള് അനുമാനിച്ചതായി എനിക്ക് തോന്നി.
“എന്നാ പറ്റി? ഓഫീസില് എന്തേലും പ്രോബ്ലം?”
“ആഹ്..”
ഞാന് ഉദാസീനനായി പറഞ്ഞു.
“ഓഫീസില് ഇച്ചിരെ കുഴപ്പമുണ്ട്,”
“അയ്യോ, എന്നതാ?”
അവളില് ജിജ്ഞാസയുണര്ന്നു.
“ഡീലെന്തേലും മിസ്സായോ?”
“അതിലും വലുത്,”
സോക്സ് ഊരിക്കൊണ്ട് ഞാന് പറഞ്ഞു.
“മിസ്സായി, ഭാര്യയിലുള്ള വിശ്വാസം…”
ഞാന് എന്നിട്ട് സോഫയുടെ അരികില് ഇരുന്നു. രേഖയെന്നെ മിഴിച്ചുനോക്കി. അവളുടെ മുഖത്ത് നേരിയ ഭയം കടന്നുവന്നോ എന്ന് ഞാന് സംശയിച്ചു.
“ഇപ്പഴെന്നാ പുതിയ പ്രശ്നം?”
അസഹീനമായ സ്വരത്തില് അവള് ചോദിച്ചു.
“നടന്നത് മുഴുവനും പറയാന് ഞാനന്ന് നിന്നോട് പറഞ്ഞതല്ലേ രേഖേ?”
ദേഷ്യത്തോടെ ഞാന് ചോദിച്ചു.
“എന്നിട്ട് നീ പറയാതിരുന്നത്?”
“നടന്നത് മൊത്തം ഞാന് പറഞ്ഞു കഴിഞ്ഞു,”
അവളുടെസ്വരവും ക്രുദ്ധമായി.