Posted by എന്താണ് പറയേണ്ടത് എന്ന് എനിക്ക് നിശ്ചയം വന്നില്ല.
“നിങ്ങള്ക്ക് എന്റെ ഏജന്സിയുടെ സര്വ്വീസ് ആവശ്യമില്ലെങ്കില് പോകാം, മിസ്റ്റര് ശരത്ത്,”
പുകയൂതിപ്പറത്തി അവള് പറഞ്ഞു.
“എന്നാല് ഒരു കാര്യം നിങ്ങള് അറിഞ്ഞിരിക്കണം….അത്…”
ഹെലന് എന്നെ നോക്കി.
“ഒരു പുരുഷന് ചെയ്യുന്നതിനേക്കാള് ഭംഗിയായി ഇത്തരം വിഷയങ്ങള് ഒരു സ്ത്രീക്കോ അവള് നിയന്ത്രിക്കുന്ന ഒരു സ്ഥാപനത്തിനോ ചെയ്യാന് കഴിയും…കൂടുതല് ആത്മാര്ഥതയോടെ, കൂടുതല് രഹസ്യ സ്വഭാവത്തോടെ!”
അല്പ്പ സമയം നിശബ്ദനായിരുന്നെങ്കിലും അവള് പറഞ്ഞതില് കാര്യമുണ്ടെന്നു എനിക്ക് തോന്നി.
“വൈഫിനു രഹസ്യബന്ധമുണ്ട് എന്ന് നിങ്ങള്ക്ക് തോന്നാന് കാരണം?”
രേഖയെപ്പറ്റിയും മോഹന് അങ്കിളിനെപ്പറ്റിയും ഞാന് ഹെലനോട് പറഞ്ഞു. അവളെല്ലാം അതീവ ശ്രദ്ധയോടെ കേട്ടിരുന്നു. ഒന്നും മറച്ചു വെക്കാതെ ഞാന് പൂര്ണ്ണമായ വിവരങ്ങള് അവള്ക്ക് നല്കി.
അവസാനം ഓഫീസില് വെച്ചു കണ്ട വീഡിയോ ക്ളിപ്പിനെപ്പറ്റിയും ഞാന് പറഞ്ഞു.
“എനിക്കൊന്നും മനസിലാകുന്നില്ല,”
ഹെലന് നെറ്റി ചുളിച്ച് എന്നെ നോക്കി.
“നിങ്ങള്ക്ക് ഓള്റെഡി മനസ്സിലായി നിങ്ങളുടെ വൈഫ് നിങ്ങളെ ചീറ്റ് ചെയ്യുന്നുണ്ടെന്ന്…പിന്നെ ഞങ്ങളുടെ സര്വ്വീസ് എന്തിനാ നിങ്ങള്ക്ക്?”
“അതിപ്പം…”
ഞാന് വാക്കുകള്ക്ക് വേണ്ടി പരതി.
“മുഴുവന് സത്യവും അവള് പറഞ്ഞിട്ടില്ല എന്ന് എനിക്ക് തോന്നുന്നു…അത് എനിക്കറിയണം..അതിന് നിങ്ങളുടെ സഹായം വേണം,”