Posted by ‘ അങ്ങനെ ഐശ്വര്യയുടെ ആദ്യ മെസ്സേജ് റോഷന്റെ ഫോണിൽ പ്രത്യക്ഷപ്പെട്ടതും റോഷൻ വല്ലാത്ത സന്തോഷം നിറഞ്ഞ ഒരു ആവേശത്താൽ അത് വായിച്ചു’
ഐശ്വര്യ: ഹലോ റോഷൻ
റോഷൻ: ഹ, ഐഷു ചേച്ചി ഞാനിവിടെത്തന്നെയുണ്ട്. ചേച്ചി എന്താ ഇത്രയും വൈകിയത് ഇത്രയും വൈകിയപ്പോൾ ഞാൻ കരുതി ഇനി വരില്ല എന്ന്
ഐശ്വര്യ: രാത്രിയിലെ കിച്ചണിലെ പണികളെല്ലാം തീർത്തു കഴിഞ്ഞു ഫ്രഷ് ആയി വന്നപ്പോഴേക്കും വൈകിപ്പോയി. പിന്നെ ഈ തിരക്കിനിടയിൽ എല്ലാം പെട്ട് ഞാൻ ഓൺലൈനിൽ വരുമോ എന്ന് ചോദിച്ചത് മറന്നു പോയി.
എനിക്ക് ഇങ്ങനെ രാത്രിയിൽ ഫോണും നോക്കിയിരിക്കുന്ന പരിപാടിയൊന്നുമില്ല. പിന്നെ ഇപ്പോൾ ഫോൺ കണ്ടപ്പോൾ റോഷൻ രാത്രിയിൽ ഓൺലൈനിന്റെ കാര്യം പറഞ്ഞത് ഓർമ്മ വന്നത്. അതുകൊണ്ടൊക്കെയാ ഞാൻ വൈകിപ്പോയത്
റോഷൻ: രാത്രിയിൽ അപ്പോൾ ഐഷു ചേച്ചി ഒട്ടും ഫോൺ ഉപയോഗിക്കാറിലേ
ഐശ്വര്യ: ഉണ്ട്, എന്നാൽ അധികവും ഉപയോഗിക്കാറില്ല.റോഷൻ ഇത്ര വൈകിയിട്ടും എന്താ ഉറങ്ങാതിരുന്നത് അതും ഇങ്ങനെ പനി ഉള്ളപ്പോൾ. റോഷൻ മരുന്നും ഭക്ഷണം എല്ലാം കഴിച്ചോ?
റോഷൻ: അതെല്ലാം ഞാൻ സമയത്തിന് തന്നെ കഴിച്ചു
ഐശ്വര്യ : എന്നിട്ടാണോ ഉറങ്ങാതെ ഇങ്ങനെ ഇരിക്കുന്നത്. ഞാൻ രാവിലെ പറഞ്ഞതല്ലേ നന്നായി റസ്റ്റ് എടുക്കണം എന്ന്
റോഷൻ: എന്റെ ഐഷു ചേച്ചി എന്റെ പനി എല്ലാം മാറി ഞാൻ കുളിച്ച് ഫ്രഷ് ആയിട്ടാ ഇരിക്കുന്നത്
ഐശ്വര്യ:മാറിയോ?
റോഷൻ:മം, അതേ ഐഷു ചേച്ചി ഇനി നാളെ ക്ലിനിക്കിൽ പോയി ഡോക്ടറെ കണ്ടാൽ മതി
ഐശ്വര്യ: ഇന്നൊരു ദിവസം മരുന്ന് കഴിച്ചത് കൊണ്ട് പനി മാറി എന്ന് കരുതി നാളെ മുതൽ മരുന്ന് പ്രോപ്പറായി കഴിക്കാതിരിക്കരുത് പനി പുറമേ മാറി എന്ന് കാണിക്കും എന്നാൽ ഉള്ളിൽ നിന്ന് വിട്ടു മാറിയിട്ടുണ്ടാവില്ല