കുതിക്കാൻ കൊതിക്കുന്നവർ 2 [സ്പൾബർ]

 

 

✍️… ഉച്ചക്ക് ചോറുണ്ണാനായി അടുക്കളയിലെത്തിയ ഹേമ, അവിടെയിരുന്ന് ചോറുണ്ണുന്ന കരുത്തനെ കണ്ട് ഇതാരാന്ന് ലക്ഷ്മിയോട് ആംഗ്യത്തിൽ ചോദിച്ചു.. അത് ഞാൻ പിന്നെ പറഞ്ഞ് തരാന്ന് ആംഗ്യം കാട്ടി ലക്ഷ്മി അവൾക്ക് ചോറ് വിളമ്പിക്കൊടുത്തു..

 

 

“കുട്ടേട്ടാ… ഇത് ഹേമ… നമ്മുടെ കല്യാണിയമ്മേടെ മരുമോളാ… ഇന്ന് തൊട്ട് ഇവിടെ പണിക്ക് വന്നതാ…”..

 

 

ലക്ഷ്മി, കുട്ടന് ഹേമയെ പരിചയപ്പെടുത്തി.. കുട്ടൻ മുഖമുയർത്തി ഒന്ന് പുഞ്ചിരിച്ചതല്ലാതെ ഒന്നും പറഞ്ഞില്ല.. വേഗം ചോറ് വാരിത്തിന്ന് കൈകഴുകി..

 

 

“കുട്ടേട്ടാ… നിളത്തമ്പുരാട്ടി മുറിയിലേക്ക് ചെല്ലാൻ പറഞ്ഞിരുന്നു… അവിടെ അലമാരയുടെ ലോക്ക് മാറ്റണംന്ന് പറഞ്ഞു…”..

 

 

പുറത്തേക്കിറങ്ങാൻ തുടങ്ങിയ കുട്ടൻ,അടുക്കളയിലൂടെത്തന്നെ അകത്തേക്ക് നടന്നു.. കുട്ടന് കോലോത്തെ എല്ലാ മുറിയിലേക്കും പ്രവേശനമുണ്ട്…

കുട്ടൻ പോയതും അവന്റെ ചരിത്രമെല്ലാം ലക്ഷ്മി, ഹേമയോട് പറഞ്ഞു..എല്ലാം കേട്ട ഹേമക്ക് പേടി തോന്നി..

 

 

“നീ പേടിക്കുകയൊന്നും വേണ്ടെടീ… അയാളിപ്പോ പച്ചപ്പാവാ… ആരേലും അടിച്ചാ പോലും തിരിച്ചടിക്കില്ല…”..

 

 

ലക്ഷ്മി, കുട്ടനെ പുകഴ്ത്തി..

 

 

✍️…

 

 

കുട്ടൻ മുകളിലേക്കുള്ള പടി കയറാൻ തുടങ്ങിയതും ഗൗരി താഴേക്കിറങ്ങി വരുന്നത് കണ്ട് അവൻ ഒതുങ്ങി നിന്നു..

 

 

“കുട്ടേട്ടാ… കേറിപ്പോര്…”..

 

 

മുകളിൽ നിന്ന് ലക്ഷ്മി പറഞ്ഞു.. ഒരു വയസ് മാത്രം മൂപ്പുള്ള അവനെ