Posted by മനസ്സിൽ ലഡ്ഡു പൊട്ടിയത് മുഖത്ത് കാണിക്കാതെ ഞാൻ സമ്മതിച്ചു… അവൾ എന്നെക്കൊണ്ട് തലയിൽ കൈ വെപ്പിച്ച് സത്യവും ചെയ്യിച്ചു.
അവൾ പിന്നെയും പറഞ്ഞു പിന്നെ നാലാമത്തെ കാര്യം… എനിക്ക് ജോലിക്ക് പോകണം… മാഷെനിക്ക് ജോലി വാങ്ങിച്ചു തരണം, അഞ്ചാമത്തേതും അവസാനത്തേതും. കല്യാണ സാരിയുടെ കളർ ഞാൻ തീരുമാനിക്കും. ഞാൻ ചിരിച്ചു പോയി. എല്ലാം എനിക്ക് സമ്മതമായിരുന്നു… അവളേയും കൂട്ടി ഞാൻ താഴേക്കിറങ്ങി.
പ്രസന്നവതിയായി താഴേക്ക് വന്ന ധന്യയെ കണ്ട് രാജേഷും കമലയും പിന്നെ സോമൻ സാറും ഒന്നും മനസ്സിലാകാതെ ഞങ്ങളെ നോക്കുന്നുണ്ടായിരുന്നു… നിർമല ചേച്ചിയുടെ മുഖത്ത് സന്തോഷം..
ഞാൻ എല്ലാവരേയും വിളിച്ചിരുത്തി കാര്യങ്ങൾ പറഞ്ഞു… കമല ഓടി വന്നെന്നെ ചെറുതായി കെട്ടിപ്പിടിച്ചു… ഞാൻ വീട്ടിൽ അവതരിപ്പിച്ച കാര്യവും അവരോട് ഞാനാണ് ധന്യയുടെ ഗർഭത്തിനുത്തരവാദി എന്നാണ് പറഞ്ഞിരിക്കുന്നത് എന്നും ഒരിക്കലും നമ്മൾ മാത്രമല്ലാതെ ഈ രഹസ്യം വേറെ ആരും അറിയരുതെന്നും ശട്ടം കെട്ടി. എല്ലാവർക്കും സമ്മതമായിരുന്നു. പിന്നെ ഞായറാഴ്ച അവർ വരുന്നു എന്നും…
ഞാൻ ചേച്ചിയോട് പറഞ്ഞു… ചേച്ചീ… ഞാനന്നു വാങ്ങിച്ച ആ വളയില്ലേ… അതു തരുമോ…. ചേച്ചി ആശ്ചര്യത്തോടെ എന്നെ നോക്കി അകത്തേക്കു പോയി വളയെടുത്തു വന്നു… ഞാനാ വള വാങ്ങി ധന്യയുടെ കൈകളിൽ ഇട്ടു കൊടുത്തു… കൊലുന്നനെ ഉള്ള അവളുടെ കൈയ്യിൽ വലുതായിരുന്നെങ്കിലും അവളാ വള സ്നേഹത്തേടെ അണിഞ്ഞു. പിന്നെ നിർമല ചേച്ചി തൻ്റെ കയ്യിൽ കിടന്ന ഒരു വള ഊരി അവളുടെ അടുത്ത കയ്യിലും അണിയിച്ചു.