Posted by അങ്ങനെ രഞ്ജിത് തീർന്നതും അവർ രണ്ട് പേരും ഒന്നായി.
കണ്ണൻ ആ പഴയ കാര്യങ്ങൾ എല്ലാം ഓർത്ത് അങ്ങനെ അവന്റെ കൈ അവളുടെ വയറിൽ നിന്നും മുകളിലേക്ക് കൊണ്ടുപോവാൻ തുടങ്ങി.
“തൊട്ടുപോകരുത് എന്നെ… എന്റെ ജിനുവിനെ കൊന്നവൻ ഇപ്പോഴും ഈ കൊത്തയിൽ തന്നെ ജീവനോടെയുണ്ട്” നൈല പറഞ്ഞു.
“രാജുവിനെ തീർക്കുന്ന കാര്യമാണ് നീ ഉദ്ദേശിച്ചതെങ്കിൽ എനിക്ക് അതിന് ബുദ്ധിമുട്ടുണ്ട്. രാജു എന്റെ ഏറ്റവും അടുത്ത സുഹൃത്താണ്. പിന്നെ അവൻ ജിനുവിനെ വെറുതെ കൊന്നതൊന്നുമല്ലല്ലോ അവന്റെ പെങ്ങളെ കൊല്ലാൻ നോക്കിയിട്ടല്ലേ ” കണ്ണൻ പറഞ്ഞു.
“എന്ന് മുതൽ നോക്കാൻ തുടങ്ങി ഈ നേരും നെറിയും എല്ലാം. സത്യം പറ കണ്ണാ നിനക്ക് അവനെ പേടിയല്ലേ… എന്റെ രഞ്ജിത്തേട്ടൻ ഇപ്പോഴും ഉണ്ടായിരുന്നെങ്കിൽ നേരം വെളുക്കുന്നതിനു മുന്നേ ആ രാജു തീർന്നേനെ അതിപ്പോ നേർക്കുനേർ ആണെങ്കിലും വളഞ്ഞിട്ട് ആണെങ്കിലും” എന്നും പറഞ്ഞ് നൈല ഉള്ളിലേക്ക് നടക്കാൻ തുടങ്ങി.
“ഞാൻ പറഞ്ഞ ഈ ഒരു കാര്യത്തിൽ എല്ലാം തീരുമാനം ആയതിനുശേഷം മതി എന്റെ കൂടെ വന്ന് കിടക്കലും എന്നെ തൊടുന്നതിനെക്കുറിച്ച് ഓർക്കുന്നത് പോലും” നൈല പോകുന്ന വഴിക്ക് വീണ്ടും പറഞ്ഞു.
അടുത്തദിവസം കൊത്തയിലെ ഫുട്ബോൾ ഗ്രൗണ്ടിന് ചുറ്റുമുള്ള ഗാലറിയിൽ കയറിയിരുന്നു രാജു അവിടെ നടക്കുന്ന പിള്ളേരുടെ കളി കാണുകയായിരുന്നു,
“ഹലോ രാജു, ഞാൻ CI ഷാഹുൽ. രാജു ഒന്ന് സൂക്ഷിക്കണം കെ-ടീം ഇപ്പോഴും രാജുവിനെ തീർക്കാൻ കണ്ണന്റെ ഒരു നിർദ്ദേശത്തിന് കാത്തിരിക്കുകയാണ്, ബി കെയർഫുൾ” രാജുവിന്റെ അടുത്തേക്ക് നടന്നു വന്ന് ഷാഹുൽ അവനോട് പറഞ്ഞു. പക്ഷേ അതെല്ലാം കേട്ടിരുന്നു എന്നല്ലാതെ ഒരു മറുപടിയും രാജുവിന്റെ ഭാഗത്ത് നിന്നും വന്നില്ല അവൻ എപ്പോഴും അവിടെ നടന്നുകൊണ്ടിരുന്നു പന്ത് കളി നോക്കിയിരിക്കുകയായിരുന്നു.