Posted by ആൽബി അവർ പുറത്തിറങ്ങാൻ ആയി കാത്ത് നിന്നു, പെട്ടെന്ന് പരിസര ബോധം വന്നത് കൊണ്ടാവാം അവൾ ശിവയിൽ നിന്നും വിട്ട് മാറി…!!
ഡോർ തുറന്ന് സ്റ്റെല്ലയാണ് ആദ്യം പുറത്ത് ഇറങ്ങിയത്, പുറകേ തന്നെ ശിവയും ഇറങ്ങിയിരുന്നു,
ആൽബിയുടെ മുഖത്തേക്ക് നോക്കാൻ അവൾക്ക് വല്ലാത്ത ചമ്മൽ തോന്നി,
എങ്കിലും അവന്റെ മുഖത്തെ ചിരി അവൾക്ക് ആശ്വാസമായിരുന്നു,
” അപ്പോൾ നമ്മൾ തുടങ്ങി അല്ലേ..?? ”
കള്ള ചിരിയോടെയുള്ള അവന്റെ ചോദ്യം,
അതിന് മറുപടിയായി സ്റ്റെല്ല അവനെ കെട്ടിപ്പിടിക്കുകയാണ് ഉണ്ടായത്,
വാഹനം പാർക്ക് ചെയ്ത ശേഷം മൂന്നുപേരും സ്ട്രീറ്റിലെക്ക് പ്രവേശിച്ചു, മലേഷ്യയിലെ തന്നെ ഏറ്റവും തിരക്കുപിടിച്ച ഒരു കൊമേഴ്സ്യൽ സ്ട്രീറ്റ് ആണ് ജോങ്കർ സ്ട്രീറ്റ്,
പല തരത്തിലുള്ള കച്ചവടക്കാർ, വിവിധ തരത്തിലുള്ള സാധനങ്ങൾ, വിൽക്കാൻ വച്ചിരിക്കുന്നവയിൽ ഏറെയും മരപ്പണിയിൽ തീർത്തതാണ്, എങ്കിലും പ്ലാസ്റ്റിക്കിലും പിച്ചളയിലും തീർത്ത രൂപങ്ങൾക്കും കുറവില്ല,
ഇവിടെ ആരും പുറകെ നടന്ന ശല്യം ചെയ്യില്ല, കടകളിലേക്ക് വരുന്ന കസ്റ്റമേഴ്സിനെ ഏറ്റവും മാന്യതയോടെ സ്വീകരിക്കുകയും പെരുമാറുകയും ചെയ്യുന്ന കച്ചവടക്കാർ,
സ്ട്രീറ്റിൽ വരുന്നവർ അവർക്ക് വെറും കസ്റ്റമേഴ്സ് മാത്രമല്ല, രാജ്യത്തേക്ക് കടന്നു വന്ന അതിഥി കൂടിയാണ്,
സാമാന്യ ബോധവും മാന്യമായ പെരുമാറ്റവും വലിപ്പ ചെറുപ്പം ഇല്ലാതെ ഒരു മനുഷ്യന്റെ ഏറ്റവും അടിസ്ഥാനമായ ഘടകം ആണെന്ന്, ജോങ്കർ സ്ട്രീറ്റിലെ കച്ചവടക്കാർ നമ്മളെ പഠിപ്പിക്കും ,